Ատլանտյան օվկիանոսում 60-ից ավելի աֆրիկացի միգրանտ է զոհվել

Միգրացիայի միջազգային կազմակերպության տվյալներով՝ Ատլանտյան օվկիանոսում` Կաբո Վերդեի ափերի մոտ հայտնաբերված նավի միգրանտները մահացել են, հաղորդում է Le Figaro-ն։

Թերթը, հղում անելով ՄՄԿ-ի պաշտոնական ներկայացուցչին, նշում է, որ զոհվել է 63 մարդ։ 38 միգրանտի, այդ թվում՝ չորս երեխայի, հաջողվել է փրկվել։ 56 մարդ դեռևս համարվում է անհետ կորած։

Փրկվածների խոսքով՝ նավը դուրս է եկել Սենեգալի ափին տեղակայված Ֆաս-Բոյ ձկնորսական գյուղից հուլիսի 10-ին՝ 101 ուղևորներով:

Իսպանական ձկնորսական նավը հայտնաբերել է օգոստոսի 14-ին՝ Կաբո Վերդեի կղզիներից մեկից 277 կմ հեռավորության վրա։