ԱՄՆ-ն սպառնում է Թուրքիային՝ Ռուսաստանին պատժամիջոցները շրջանցելու հարցում օգնության համար․ WSJ

ԱՄՆ կառավարությունը նախատեսում է պատժամիջոցներ կիրառել Թուրքիայի դեմ՝ որպես «պատիժ»՝ Ռուսաստանին միջազգային սահմանափակումները շրջանցելու հարցում օգնության համար, գրում է The Wall Street Journal-ը՝ հղում անելով ԱՄՆ նախագահի աշխատակազմի անանուն աղբյուրին։

Ինչպես նշել են հրապարակման հեղինակները, Մոսկվայի և Անկարայի մերձեցումը նյարդայնացնում է ԱՄՆ քաղաքական իսթեբլիշմենտին։ Նշվում է, որ մոտ ապագայում Վաշինգտոնը կարող է պատժամիջոցներ կիրառել Թուրքիայի դեմ՝ Ռուսաստանին «կոլեկտիվ» Արևմուտքի երկրների տնտեսական սահմանափակումները շրջանցելու հարցում օգնության համար։

Միաժամանակ, հրատարակության անանուն զրուցակիցն ընդգծել է, որ նման գործողություններով Սպիտակ տունը նախատեսում է թուրք քաղաքական գործիչներին «ստիպել» կատարել Ռուսաստանի նկատմամբ սահմանված սահմանափակումները։ Նրա խոսքով՝ ամերիկյան իշխանություններն արդեն Անկարային տեղեկացրել են Մոսկվային օգնություն ցուցաբերելու հետեւանքների մասին։