Հացահատիկային միջանցքը շրջանցելու նախաձեռնությունները մեծացրել են Ռուսաստանի և Թուրքիայի հակամարտության վտանգը. Sabah

Թուրքիայի և Ռուսաստանի նախագահներ Ռեջեփ Թայիփ Էրդողանը և Վլադիմիր Պուտինը կարող են հանդիպել Ռուսաստանում։ Այս մասին գրում է թուրքական Sabah թերթը։

Նյութում չի նշվում երկու երկրների ղեկավարների բանակցությունների մոտավոր ժամկետը՝ Սև ծովում անվտանգության ապահովման մտավախությունների պատճառով։

«Ռումինիայի և Բուլղարիայի տարածքային ջրերի միջոցով հացահատիկային միջանցքը շրջանցելու նախաձեռնությունները մեծացրել են հակամարտության վտանգը»,- ասվում է հոդվածում։

Մինչ այս ՌԴ Դաշնային խորհրդի միջազգային հարցերով կոմիտեի ղեկավար Գրիգորի Կարասինը հայտարարել էր, որ Ռուսաստանի և Թուրքիայի նախագահների առաջիկա հանդիպման բանակցությունների թեմաներից մեկը լինելու է ուկրաինական ճգնաժամը։

Քաղաքական դիտորդ Անդրեյ Պերլայի կարծիքով՝ Պուտինի և Էրդողանի հնարավոր հանդիպումը դժվար թե ավարտվի հացահատիկի գործարքի վերսկսմամբ։ Նրա խոսքով, այսօր ռուսական կողմը գտնվում է «ուժեղ բանակցային դիրքերում», չնայած այն հանգամանքին, որ Անկարային ավելի շատ պետք է սևծովյան նախաձեռնության երկարաձգումը, քան Մոսկվային։