Այս շրջափակումը ցեղասպանություն է, որը նպատակ ունի ոչնչացնել Արցախի հայ բնակչությանը․ Լեմկինի ինստիտուտ

Լեմկինի ինստիտուտը վշտացած է 40-ամյա բնակիչ Կ.Հովհաննիսյանի մահվան լուրից, ով 2023 թվականի օգոստոսի 15-ին սովից մահացել է Արցախի ադրբեջանական շրջափակման հետևանքով: Այս մասին ասվում է Լեմկինի անվան ցեղասպանության կանխարգելման ինստիտուտի տարածած հաղորդագրության մեջ։

«Արցախի՝ 2022 թվականի դեկտեմբերի 12-ից մինչ հիմա շարունակվող շրջափակումը աճող թերսնուցման, վիժումների և բժշկական բարդությունների պատճառն է, որոնք կապված են այն բանի հետ, որ մարդիկ չեն կարող պատշաճ սնուցում և բժշկական օգնություն ստանալ: Այժմ շրջափակումը սկսել է հանգեցնել սովից Արցախի հայ քաղաքացիների ուղղակի մահվան:

Այս շրջափակումը ցեղասպանություն է, որի նպատակն է ոչնչացնել Արցախի հայ բնակչությանը զանգվածային տեղահանման կամ սովի մատնելու միջոցով: Ադրբեջանի նախագահ Իլհամ Ալիևն ինքը բազմիցս հայտարարել է այդ մասին, երբ ասում էր, որ «կամ իրենք խոնարհաբար կգան մեզ մոտ, կամ իրադարձությունները կզարգանան այլ ուղղությամբ»։ «Մենք ունենք բոլոր հնարավորությունները՝ այս տարածաշրջանում ցանկացած գործողություն իրականացնելու։ Հետևաբար, խորհրդարանը պետք է լուծարվի, իրեն «նախագահ»  անվանող տարրը պետք է հանձնվի, բոլոր նախարարները, պատգամավորները  և մյուսները պետք է լքեն իրենց պաշտոնները։ Միայն այդ դեպքում կարելի է խոսել որևէ համաներման մասին»,-ասում էր Ալիևը, ասվում է Լեմկինի ինստիտուտի տարածած հաղորդագրության մեջ։