Թուրքիայում մարդատար ավտոբուս է շրջվել․ կա 12 զոհ, 19 վիրավոր

Թուրքիայի Յոզգաթ քաղաքում մարդատար ավտոբուս է շրջվել, ինչի հետևանքով՝ 12 մարդ զոհվել է, 19-ը՝ վիրավորվել։ Այս մասին օգոստոսի 21-ին հայտնել է NTV հեռուստաալիքը։

Նշվում է, որ ավտոբուսը շարժվում էր Սիվաս-Ստամբուլ երթուղով։ Խաչմերուկի մոտ վարորդը կորցրել է կառավարումը, անցել հանդիպակաց գոտի և ընկել ձորը։

Նշվում է, որ 11 մարդ տեղում մահացել է, ևս մեկին հոսպիտալացումից հետո չի հաջողվել փրկել։ Հայտնի է նաև, որ Յոզգաթի և Սորգունի շրջանների հիվանդանոցներ տեղափոխված 19 տուժածներից մեկի վիճակը ծանր է։