Մահացել է Adobe-ի համահիմնադիր Ջոն Ուորնոքը

82 տարեկան հասակում մահացել է ամերիկացի գիտնական, Adobe ընկերության համահիմնադիր Ջոն Ուորնոքը։ Այս մասին ասվում է կորպորացիայի հայտարարության մեջ։

«Adobe-ը խորը վշտով հայտնում է սիրելի համահիմնադիր Ջոն Ուորնոքի մահվան մասին։ Ուորնոքը մահացել է շաբաթ օրը՝ իր ընտանիքի շրջապատում»,- ասվում է ընկերության հաղորդագրության մեջ։

Ուորնոքի մահվան պատճառը հայտնի չէ։

Adobe-ը հիմնադրվել է 1982 թվականին: 2000 թվականին Ուորնոքը հեռացավ գլխավոր տնօրենի պաշտոնից և զբաղեցրեց Խորհրդի նախագահի պաշտոնը մինչև 2017 թվականը: