Պրիգոժինը տեսաուղերձ է հղել Աֆրիկայից

«Վագներ»–ի հիմնադիր Եվգենի Պրիգոժինը նոր տեսաուղերձ է հղել, որն արվել է աֆրիկյան երկրներից մեկում։ Տեսանյութը հրապարակել է  ռազմական մասնավոր ընկերությանը մոտ գտնվող «Gray Zone» տելեգրամյան ալիքը։

Պրիգոժինը պնդում է, որ այժմ «Վագներ» ռազմական մասնավոր ընկերությունը «Ռուսաստանը դարձնում է էլ ավելի հզոր բոլոր մայրցամաքներում, իսկ Աֆրիկան՝ ​​ավելի ազատ» և որ «մղձավանջ է ԴԱԻՇ-ի, Ալ-Քաիդայի և այլ ավազակախմբերի համար»։

Պրիգոժինը նաև ասել է, որ խումբը շարունակում է իրականացնել իր առջև դրված խնդիրները և որոնց վերաբերյալ խոստացել է, որ «գլուխ կհանի»։

Պրիգոժինը չի հստակեցրել, թե որ երկրում է գտնվում։