Բիլ Գեյթսը դպրոցում սովորելն «անհետաքրքիր» է անվանել

Մանուկ հասակում Բիլ Գեյթսը ծուլանում էր դպրոցում մաթեմատիկա սովորել և այս առարկան անհետաքրքիր էր համարում։ Այս մասին հայտնում է Business Insider-ը՝ վկայակոչելով 67-ամյա միլիարդատիրոջ և Microsoft IT կորպորացիայի հիմնադիրի հետ հարցազրույցը, որը նա տվել է Սալ Խանին Unconfuse Me փոդքաստում։

«Մի քիչ ծույլ էի, երբ սկսեցի մաթեմատիկա ուսումնասիրել։ Ութերորդ դասարանում մի օր մի ուսուցիչ ինձ ասաց. «Ինչո՞ւ ես այդքան ծույլ: Դու իսկապես կարող ե փայլել մաթեմատիկայի մեջ»: Ես պատասխանեցի. «Բայց մենք ոչ մի հետաքրքիր բան չենք անում», - ասել է Գեյթսը:

Միլիարդատիրոջ խոսքով՝ ուսուցիչն իրեն ամեն կերպ դրդել է մաթեմատիկա սովորելու և տվել տարբեր գրքեր, որոնք «մղել են իրեն դեպի լավագույնը»։ Միևնույն ժամանակ, Գեյթսը կարծում էր, որ որքան քիչ է ջանք գործադրում, այնքան ավելի լավն է դառնում։

Գեյթսն ավելի ուշ ընդունվեց Հարվարդի համալսարան։ Նրա խոսքով՝ այնտեղ «մեծ փորձ» է ունեցել։ Սակայն ապագա միլիարդատերն ամեն դեպքում այն թողեց՝ Փոլ Ալենի հետ Microsoft-ը ստեղծելու համար՝ այսպիսով բաց չթողնելով համակարգչային հեղափոխության մաս դառնալու հնարավորությունը։