Մեծ Բրիտանիան Ուկրաինային մոտ 244 միլիոն դոլար կհատկացնի միջուկային վառելիքի համար

Մեծ Բրիտանիան Ուկրաինային կտրամադրի մոտ 244 միլիոն դոլար՝ ատոմակայանների համար միջուկային վառելիք ձեռք բերելու համար, հայտարարել է Մեծ Բրիտանիայի էներգետիկայի նախարար Գրանտ Շապսը։

«Այս գումարը, որը մենք կտրամադրենք, պետք է օգնի Ուկրաինային երաշխավորել, որ ապագայում իր միջուկային վառելիքը չպետք է անցնի Ռուսաստանի տարածքով», - Շապսի խոսքերը մեջբերում է Reuters-ը։

Մատակարարներից մեկը կարող է լինել Urenco եվրոպական կոնսորցիումը, որի կենտրոնակայանը գտնվում է Լոնդոնում։

Մարտին Ուկրաինայի էներգետիկայի նախարար Հերման Գալուշչենկոն հայտարարեց, որ Ուկրաինան կարտադրի միջուկային վառելիք, որը «եվրոպական շուկայում կփոխարինի ռուսական վառելիքին»։