Մոսկվայի Կարմիր հրապարակը փակվել է այցելուների համար

Մոսկվայի Կարմիր հրապարակը օգոստոսի 24-ին ժամանակավորապես փակվել է այցելուների համար։ Այս մասին Telegram-ում հայտնել է Պատմական թանգարանի մամուլի ծառայությունը։

«Կարմիր հրապարակն այսօր փակ է լինելու»,- ասվում է հաղորդագրության մեջ։

Միաժամանակ, նշվում է, որ այցելուները կկարողանան թանգարան մուտք գործել մարշալ Գեորգի Ժուկովի հուշարձանի թիվ 3 մուտքով։ Սակայն Նիկոլսկայա փողոցում գտնվող թանգարանային խանութը և Պոկրովսկի տաճարն այս օրը փակ կլինեն։

Վերջին անգամ Մոսկվայի գլխավոր հրապարակը փակվել է ապրիլի 27-ից մայիսի 10-ը՝ Հայրենական մեծ պատերազմում տարած հաղթանակի պատվին շքերթի նախապատրաստման պատճառով։

Կարմիր հրապարակը Ռուսաստանի մայրաքաղաքի գլխավոր հրապարակն է, որը գտնվում է Կրեմլի (արևմուտք) և Կիտայ-գորոդի (արևելք) միջև։ Կարմիր հրապարակի մասին առաջին տարեգրական հիշատակումը վերաբերում է 15-րդ դարին։