Քաղաքացիները մերժում են Տիգրան Ավինյանին (ֆոտոշարք)

Չնայած իշխող քաղաքական ուժի՝ ՔՊ-ի քաղաքապետի թեկնածու Տիգրան Ավինյանը ջանք ու եռանդ չի խնայում տարատեսակ PR ակցիաների միջոցով ի ցույց դնել երևանցիների աջակցությունն իրեն, սոցիալական ցանցերի օգտատերերի արձագանքը շատ ավելի խոսուն է և արտացոլում է վերջինիս ունեցած աջակցության իրական մակարդակը: Քաղաքացիները, մեկը մյուսին հերթ չտալով, «հորդորներ» են հղում Ավինյանին, վերջինիս նախընտրական կարգախոսի կոչը կատարելով և ասելով, թե վերջինս ինչ պետք է անի:

Անշուշտ, սա քաղաքացիների արձագանքների ընդամենը մի փոքր ծաղքաքաղ է, նման մեկնաբանությունների և մաղթանքների պակաս սոցցանցերի հայկական տիրույթում չի նկատվում և ցանկացողը ինքն էլ կարող է ուսումնասիրել:  Երևանցիներին, կարծես թե, առանձնապես չեն տպավորում ոչ Ավինյանի PR շոուները, ոչ էլ բաժանվող խոստումները, ինչպես ասում են՝ քաղաքացիների տառապանքը փորձ ունի: Իշխող քաղաքական ուժին  չի օգնում անգամ այն հանգամանքը, որ ըստ վերջերս շրջանառվող լուրերի՝  քաղտեխնոլոգների էին օգնության կանչել վիճակը շտկելու և իրենց թեկնածուի վարկանիշը բարձրացնելու նպատակով: Հիշեցնենք, որ այդ վարկանիշը գնալով նվազում է։ Այսպես, եթե հուլիսին անցկացված հարցումների համաձայն Ավինյանի համար պատրաստ էր քվեարկել հարցվածների 10.1 տոկոսը. ապա օգոստոսին անցկացված նույնանման հարցման ժամանակ իշխող թիմի թեկնածուին պատրաստվում էր ձայն տալ հարցվածների արդեն 9,3 տոկոսը:  Դե իսկ սոցցանցերում տիրող տրամադրությունները և Սիսիանից հրավիրված, հայտնի երեխա ծեծող ՋԸՕ պետ «տասովշիկների» առկայությունը վկայում է, որ ՔՊ–ի ու Ավինյանի գործերն իսկապես լավ չեն...