Եվրոպայում ջրային ռեսուրսների լուրջ դեֆիցիտ է սպասվում. Financial Times

Երաշտը և ջրի սակավությունը հանգեցնում են բերքատվության նվազմանը եվրոպական մի շարք երկրներում: Իրավիճակը սրվում է անոմալ շոգ ջերմաստիճանի, անտառային հրդեհների ավելացման և կառավարության վատ քաղաքականության պատճառով, հայտնում է բրիտանական Financial Times թերթը:

Պարբերականի տվյալներով՝ 1976-2006 թվականներին Եվրամիության երկրներում երաշտների թիվն ու ինտենսիվությունը աճել է մոտ 20%-ով և ներկայումս շարունակում է աճել։ Միաժամանակ, փորձագետները կանխատեսում են քաղցրահամ ջրի համաշխարհային պահանջարկի մշտական ​​աճ, որը մինչև 2030 թվականը կգերազանցի առկա մատակարարումը 56%-ով։

Հրատարակությունը կանխատեսում է անկարգությունների աճ Եվրոպայում ջրի սակավության ֆոնին և որպես օրինակ` բերում Ֆրանսիայի և Իսպանիայի ֆերմերների միջև բախումները, որոնք մայրցամաքում ջրի ամենամեծ սպառողներն են:

Վատ քաղաքականության, սեփական շահերի և արագ կլիմայի փոփոխության համադրությունը, ըստ Financial Times-ի, ամենայն հավանականությամբ ավելի կսրի իրավիճակը: Ջրի սակավության ազդեցությունը կզգան ոչ միայն ֆերմերները, այլ նաև էներգիա արտադրողները, քանի որ ջուրն անհրաժեշտ է ատոմակայանները հովացնելու և հիդրոէլեկտրակայաններ ստեղծելու համար: