Զինվորականներն Գաբոնի նոր ղեկավար են ընտրել

Գաբոնում իշխանությունը զավթած զինվորականները պետության ղեկավար են նշանակել Գաբոնի հանրապետական ​​գվարդիայի հրամանատար Բրիս Օլիգուի Նգեմային, հայտնում է Reuters-ը։

Հայտարարությունը Գաբոնի ազգային հեռուստատեսությամբ կարդացել է ապստամբ զինվորականներից մեկը։

2019 թվականի հոկտեմբերին գնդապետի կոչումով Բրիս Օլիգուի Նգեման գլխավորել է Հանրապետական ​​գվարդիայի հետախուզական ծառայությունը, իսկ 2020 թվականի ապրիլին դարձել Հանրապետական ​​գվարդիայի գլխավոր հրամանատար։

Ավելի վաղ զինվորականները հայտնել էին, որ երկրի նախագահ Ալի Բոնգոյի որդին ձերբակալված է։ Նրանց խոսքով՝ Բոնգոյի որդիներից մեկը ձերբակալվել է «դավաճանության համար»։

Զինվորականները հայտնել են, որ Գաբոնի նախագահը բժիշկների հետ միասին գտնվում է տնային կալանքի տակ: