Ռուսաստանը պատրաստ է ավելացնել գազի մատակարարումները Թուրքիա

Ռուսաստանը պատրաստ է ավելացնել գազի մատակարարումները Թուրքիա, այդ թվում՝ այնտեղ գազի բաշխման կենտրոն ստեղծելու միջոցով, հայտարարել է ՌԴ ԱԳ նախարար Սերգեյ Լավրովը։

«Մեր կողմից վերահաստատեցինք Ռուսաստանի հավատարմությունը բնական գազի արտահանման ավելացման վերաբերյալ բոլոր պայմանավորվածություններին, այդ թվում՝ Թուրքիայում գազի բաշխման միասնական հանգույց ստեղծելու մեր պետությունների ղեկավարների նախաձեռնության իրականացման միջոցով», - ասել է նախարարը Մոսկվայում իր թուրք գործընկեր Հաքան Ֆիդանի հետ բանակցություններին հաջորդած մամուլի ասուլիսի ժամանակ։

Ռուս նախարարը նաեւ նշել է, որ մոտ ապագայում Թուրքիայում տեղի կունենա երկու երկրների միջկառավարական հանձնաժողովի նիստը։