Անդրանիկ Քոչարյանը «մատնեց» Նիկոլ Փաշինյանին

Եթե ադրբեջանական կողմը կրակ է բացում, հայկական կողմն էլ է պատասխան կրակ բացում, որն առաջ չկար։ Այս մասին լրագրողների հետ ճեպազրույցում ասել է ԱԺ պաշտպանության հանձնաժողովի նախագահ Անդրանիկ Քոչարյանը՝ անդրադառնալով Գեղարքունիքում հակառակորդի կրակոցների դեպքերին։ «Ամենակարևոր բանը եկեք արձանագրենք՝ էն, ինչ որ մերն ա՝ մերն ա։ Եթե կրակեն՝ մենք կրակելու ենք, առաջ իրանք կրակում էին, մենք չէինք կրակում, պատերազմից հետո։ Իրենք գալիս էին, մենք լքում էինք տեղերը։ Էսօր եթե իրենք կրակում են, տեսնում եք՝ կրակում ենք»,- ասել է Քոչարյանը լրագրողների հետ զրույցում:

Անդրանիկ Քոչարյանի ասածից հասկացվում է, որ այն ժամանակ կար չկրակելու հրաման: Մինչդեռ ամիսներ առաջ ԱԺ ամբիոնից Նիկոլ Փաշինյանը հայտարարում էր, որ չկրակելու հրաման ինքը չի տվել և դա ընդհանրապես հավասարազոր է պետական դավաճանությանը:

Բացի այդ, Անդրանիկ Քոչարյանը հայտարարում է, թե չի կարող պնդել, որ լայնածավալ պատերազմ կանխատեսելու համար հիմքեր կան: Մինչդեռ Նիկոլ Փաշինյանը հայտարարում էր, որ Ադրբեջանը հենց լայնածավալ պատերազմի ֆոն է ստեղծում։

Հիմա ի՞նչ է ստացվում՝ նրանցից որ մեկն է մոլորեցնում հանրությանը: Ստացվում է, որ Անդրանիկ Քոչարյանը, կամա թե ակամա, բացահայտեց և մերկացրեց Նիկոլ Փաշինյանի մանիպուլյացիաները: