2200-ամյա Արտաշատը տոնում է իր հոբելյանը

Հայոց հնամյա քաղաքամայր Արտաշատը այսօր տոնում է իր 2200 ամյակը: Արարատի մարզում դեռ վաղ առավոտից տոնական տրամդրություն էր ստեղծվել'մարզի բոլոր համայքները շտապում էին մարզկենտրոն' իրենց բերքառատ տաղավարները ներկայացնելու:

2200-ամյա պատմության տոնին նվիրված միջոցառման մեկնարկը տրվեց Ամո Խարազյանի անվան դրամատիկական թատրոնի հրապարակից. քաղաքի դարպասները բացվեցին և ժամանած բարձրաստիճան պաշտոնյաներն ու արտասահմանյան պատվիրակություններին ողջունեցին հայոց փառապանց անցյալի ոգով զինված մարտիկները:

Հրապարակում բեմադրված թատերական ներկայացմանը ներկա գտնվեցին ՀՀ նախագահ Սերժ Սարգսյանը, ԱԺ նախագահ Հովիկ Աբրահամյանը, ոստիկանապետ Ալիկ Սարգսյանը, Մշակույթի նախարար Հասմիկ Պողոսյանը, ով գլխավորում է Արտաշատ քաղաքի հոբելյանական պետական հանձնաժողովը, Արտակարգ իրավիճակների նախարար Արմեն Երիցյանը, Գյուղատնտեսության նախարար Սերգո Կարապետյանը, Արարատի մարզպետ Էդիկ Բարսեղյանը, Արտաշատի քաղաքապետ Գագիկ Մուրադյանը:

Այնուհետ պաշտոնյաներն ու քաղաք ժամանած հյուրերը ծաղկեպսակ դրեցին Արտաշես արքայի հուշակոթողին և մասնակցեցին քաղաքային այգում զետեղված ժողովրդական ստեղծագործությունների ցուցահանդեսին:

Երկրի ղեկավարը շրջեց նաև մարզպետարանին կից հրապարակում տեղակայված բերքի տոնին մասնակցող տաղավարների մոտով, համտեսեց մարզի համայքների կողմից ներկայացված բարիքները:

Տոնական միջոցառումների ավարտը տրվելու է երեկոյան թատրոնամերձ հրապարակից' համերգով և հրավառությամբ: