Իրանի նախագահը կմեկնի Թուրքիա
Համաշխարհային Մամուլ
Առաջիկա օրերին Իրանի նախագահ Էբրահիմ Ռաիսին պաշտոնական այցով կմեկնի Թուրքիա, հայտարարել է Թուրքիայի արտգործնախարար Հաքան Ֆիդանը, գրում են միջազգային ԶԼՄ-ները։
«Մենք սպասում ենք, որ պարոն Ռաիսին կայցելի Թուրքիա Բարձր մակարդակի համագործակցության խորհրդի ութերորդ հանդիպման կապակցությամբ: Աստծո կամքով, Ռաիսին կհանդիպի մեր նախագահի հետ»,- ասել է Ֆիդանը Թեհրանում իր իրանցի գործընկեր Հուսեյնի հետ կայացած մամուլի ասուլիսում։
Ֆիդանը հայտնել է, որ իր գործընկերոջ հետ քննարկել է ահաբեկչության դեմ պայքարի, տնտեսական ու առեւտրային համագործակցության հետ կապված մի շարք խնդիրներ։
Նրա խոսքով, բանակցությունների ընթացքում Անկարան իր կարծիքն է հայտնել Սիրիան Թուրքիայում ահաբեկչական ճանաչված Քրդստանի աշխատավորական կուսակցության զինյալներից մաքրելու հարցի վերաբերյալ։ Ֆիդանը նշել է, որ Անկարան Դամասկոսի հետ համագործակցություն է ակնկալում ահաբեկչության դեմ պայքարում և կողմ է սիրիացի փախստականների կամավոր վերադարձին իրենց հայրենիք։
Ամենադիտված 
Մնաս բարյավ. Րաֆֆի Հովհաննիսյան
