Այնքան ուժեղ չէ, որքան անցյալ տարի. Պուտինը խոսել է ռուս-թուրքական հարաբերությունների մասին

Ռուսաստանի և Թուրքիայի միջև հարաբերությունների զարգացման տեմպերը պահպանվում են, առաջին կիսամյակում ապրանքաշրջանառության դրական միտումը նույնպես պահպանվել է, թեև այն այնքան ուժեղ չէ, որքան անցյալ տարի, հայտարարել է ՌԴ նախագահ Վլադիմիր Պուտինը իր թուրք գործընկերոջ՝ Ռեջեփ Թայիփ Էրդողանի հետ բանակցությունների ժամանակ, գրում է Ռիա Նովոստին։ 

«Ողջունում եմ Ձեզ Ռուսաստանում՝ Սոչիում։ Մենք երկար ժամանակ է, ինչ փորձում էինա պայմանավորվածություն ձեռք բերել այս հանդիպման մասին, սակայն Թուրքիայում ընտրություններից հետո սա մեր առաջին հանդիպումն է», - ասել է Պուտինը՝ դիմելով Էրդողանին։

«Ռուսաստանի և Թուրքիայի միջև ձեր անմիջական մասնակցությամբ ձեռք բերված հարաբերությունների զարգացման տեմպերը պահպանվում են: Ցանկանում եմ ձեր ուշադրությունը հրավիրել այն փաստի վրա, որ անցյալ տարի մեր ապրանքաշրջանառությունն աճել է ավելի քան 8 տոկոսով՝ 8,6 տոկոսով։ Այս տարվա առաջին կիսամյակում դրական միտումը շարունակվում է, այն այնքան ուժեղ չէ, որքան նախորդ տարի»,- ասել է ՌԴ նախագահը։

Նա նշել է, որ երկու երկրների հարաբերությունները դիվերսիֆիկացվում են. այժմ դա միայն ավանդական ոլորտները չեն, ինչպիսիք են գյուղատնտեսությունն ու էներգետիկան:

«Մյուս ոլորտները նույնպես զարգանում են, ինչն ինձ շատ է ուրախացնում»,- հավելել է Պուտինը։