«Ռուսաստանը պետք է զգուշանա երկրի մուսուլմանական հանրությունից». Բիլ Քլինթոն

ԱՄՆ նախկին նախագահ Բիլ Քլինթոնի կարծիքով Մոսկվան հրաժարվում է աջակցել Արևմուտքին Իրանի դեմ կիրառելու պատժամիջոցներ։ Նա նշել է, որ Ռուսաստանը գնում է այս քայլին նավթահանքերի մշակմանը մասնակցելու հույս ունենալու պատճառով, սակայն նաև զգուշանում է Ռուսաստանի մուսուլմանական հանրության ռեակցիայից: Այս մասին հաղորդում է Газета.Ru  կայքը։

«Ես շատ զարմացած եմ, որ Մոսկվան չի աջակցում և իրեն չեզոք դիրքում է պահում: Դա շատ վտանգավոր է ռուսների համար, քանի որ հարավում շատ մուսուլմաններ են ապրում: Նրանցից շատերն ապրում են վատ պայմաններում, ինչը կարող է ըմբոստության պատճառ դառնալ»,- հայտարարել է Բիլ Քլինթոնը:

«Նրանք միգուցե ուզում են լինել առաջինը նավթահանքերի վերամշակման գործում: Այնտեղ ամեն ինչ շատ անհասկանալի վիճակում է»,- ասել է Բիլ Քլինթոնը Fox News հեռուստաընկերությանը տված հարցազրույցում:

Նախկին նախագահն ասել է, որ սա վերաբերում է նաև Չինաստանին: