Նիկոլ Փաշինյանը լավ աչքով է նայում նախկին պաշտոնյաների որդիներին

Գյումրիի նախկին քաղաքապետ Սամվել Բալասանյանի որդին` գործարար Միսակ Բալասանյանը, Նիկոլ Փաշինյանի առաջարկով նշանակվել է Իրաքի Հանրապետությունում Հայաստանի Հանրապետության արտակարգ և լիազոր դեսպան։ Այս մասին տեղեկանում ենք ՀՀ նախագահի հրամանագրից։ Ինչպես երևում է՝ Փաշինյանը այսպիսով շնորհակալություն է հայտնում Բալասանյանին վերջին ընտրությունների արդյունքում Գյումրին դե-ֆակտո ՔՊ-ին հանձնելու համար: 

Սակայն, Փաշինյանի շնորհակալությունը միայն Բալասանյանների վրա չէ, որ տարածվել է: Դիցուք՝ նախկին պատգամավոր Աշոտ Արսենյանի որդին Վահագն Արսենյանը ոչ միայն գլուխը ազատեց իր դեմ հարուցված քրեական գործից, այլ մի բան էլ ՔՊ ցուցակով ընտրվեց Ջերմուկի համայնքապետ:

Նախկին պատգամավորներից Ալեքսան Պետրոսյանը՝ ՄԱՊ-ի Ալիկը ևս չի կարող դժգոհել Նիկոլ Փաշինյանից: 2018-ին ՄԱՊ-ի Ալիկին ձերբակալեցին, նա մեղադրվում էր առանձնապես խոշոր չափով կաշառք ստանալու և փողերի լվացման մեջ: Ըստ քրեական գործի՝ նա, զբաղեցնելով բնապահպանության նախարարի պաշտոնը, գործարար Սիլվա Համբարձումյանին ուսումնասիրության 10 հատուկ լիցենզիաներ տրամադրելու գործընթացն իրականացնելու, հետագայում ուսումնասիրության ժամկետները երկարացնելու և հանքերի շահագործման թույլտվություն ստանալու հարցը նրա օգտին լուծելուն նպաստելու համար պահանջել և ստացել է առանձնապես խոշոր չափերով՝ 4.2 մլրդ դրամին համարժեք 14 մլն ԱՄՆ դոլար կաշառք: Չնայած դրան՝ Պետրոսյանը ընդամենը 30 միլիոն դրամ գրավով ազատ արձակվեց, պետությանը պատճառված վնասի փոխհատուցման մասին էլ որևէ տեղեկություն մինչ օրս չկա: Նույնը կարելի է ասել նաև վերջինիս որդու՝ Մակար Պետրոսյանի մասին: Վերջինս նույնպես ձերբակալվեց՝ Սիլվայի հայտնի գործով, սակայն շատ շուտով ազատ արձակվեց: Մակար Պետրոսյանն իր բիզնեսի համար նույնիսկ փորձել է «Դուխով» լոգոն սեփականաշնորհել և հեղինակային իրավունքներ ստանալ, ահա այդպիսի սեր էր նրան պատել առ գործող հեղափոխական թիմը: Իր հերթին Ալեքսան Պետրոսյանն էլ ժլատությամբ աչքի չի ընկնում և բավականին կլոր գումարների փոխանցումներ է կատարում Նիկոլ Փաշինյանի ընտանեկան՝ «Իմ քայլը» հիմնադրամին: Դիցուք՝ 2020 թվականին նա մեկ միլիոն դրամ է փոխանցել Մխիթար Հայրապետյանի ղեկավարած ֆոնդին: Այսօր էլ վերջինիս ընկերությանը առանց մրցույթի պարզապես նվիրում են Սնուփ Դոգ-ի համերգի կազմակերպման իրավունքը, ինչի վրա, հիշեցնենք, բյուջեից 6 միլիոն դոլար էր հատկացվել:

Ասել, որ Փաշինյանը լավ աչքով է նայում նախկին պաշտոնյաների որդիներին, նշանակում է ոչինչ չասել...

Այս թեմայով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան Նիկոլ Փաշինյանն ու Աննա Հակոբյանը թիկնապահների ուղեկցությամբ մտան Մայր Տաճար. (տեսանյութ) Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան «Ուղեղլվա»․ Կոչ եմ անում բոլորին, որ անպայման այցելեն Արցախ․ Փաշինյանը՝ 2018-ին