Տիգրան Ավինյանի հույսը՝ վարչական ռեսուրսներով «բերման ենթարկված» մասովկան է

Վերջին օրերին համացանցում տեղեկություններ են տարածվում այն մասին, որ Երևանի ավագանու ընտրությունների քարոզարշավի ընթացքում ՔՊ և Տիգրան Ավինյանի գործերն այնքան «լավ» են, որ նրանց հույսը վարչական ռեսուրսներն են՝ տարբեր պետական կառույցների աշխատակիցները, ում կարելի է ասել զոռբայությամբ, չի բացառվում նաև աշխատանքը կորցնելու սպառնալիքի տակ «բերման են ենթարկում» Տիգրան Ավինյանի հետ բակային հանդիպումներին:

Ըստ էությամբ, սեփական բարձր ռեյտինգի և առանց որևէ դժվարության՝ 50+1 տոկոս ձայն հավաքելու մասին մեծ-մեծ խոսացող Ավինյանի հետ երևանցիները չեն շտապում սեփական կամքով հանդիպման գնալ, ինչն էլ կասկածի տակ է դնում թե բարձր ռեյտինգը, թե 50+1 տոկոս հավաքելու հնարավորությունը: Եթե, ինչպես Ավինյանն ու իր թիմակիցներն են պնդում՝ իրենք ժողովրդի կողմից այդքան ընդունված են և սիրված, ապա ինչո՞ւ է նման մասշտաբային մասովկա ապահովելու կենսական անհրաժեշտություն առաջացել, ինչո՞ւ են ոտ ու ձեռ ընկած վարչական ռեսուրսներ կիրառում:

Ովքե՞ր են Ավինյանի հույսը: Բոլոր բակերում նույն դեմքերը, «մեռնեմ բոյիդ», «ցավդ տանեմ», «գոհ ենք», «ապրեք» ոճի սիրո դրսևորումները, բնակիչ ներկայացող կանայք, որոնց ոչ ոք տվյալ տարածքում չի ճանաչում: Ավինյանի հույսը Թալինցի՝ երեխա ծեծող, քրեական գործով անցնող  «Փչան Սուրոն» է, ով նույնպես մասովկայի անբաժան մասն է: Ավինյանի հույսը աշխատանքը չկորցնելու և սեփական ընտանիքը կերակրելու ցանկությունից դրդված նրա հավաքներին ստիպողաբար բերվող մանկապարտեզների, դպրոցների, ՊՈԱԿ-ի աշխատակիցներն են: Իսկ եթե նրանք էլ չլինեն, ապա Ավինյանն ու թիմը կարող են շատ անհարմար վիճակում հայտնվել, մասնավորապես՝ կարող է պարզվել, որ անգամ 1 քաղաքացի չի ցանկանում ինքնակամ մասնակցել ՔՊ քարոզարշավին: Եթե այս դառը իրողությանն էլ գումարենք վերջին սոց.հարցումները, համաձայն որոնց՝ նախկին քաղաքապետ Հայկ Մարությանն ու մյուս ընդդիմադի ուժերը արդեն շնչում են Ավինյանի «ծոծրակին», ապա պարզ է դառնում իշխող քաղաքական թիմում առկա նյարդայնությունը և ինքնախաբեության նման դրսևորումների անհրաժեշտությունը:

Այս թեմայով «Շատ մեծ իրադարձություն է». Տիգրան Մանսուրյանը մասնակցում է Մայր Տաճարի վերաօծման արարողությանը. (տեսանյութ). News.am «Ոչ էսօր ու ոչ ոտքի վրա». Տիգրան Ավինյանը կնոջ հետ ժամանեց Էջմիածին՝ մասնակցելու Տաճարի վերաօծմանը. տեսանյութ Տիգրան Ավինյանը կմասնակցի Մայր Տաճարի վերաօծման արարողությանը «Հրապարակ». Անգամ Լուլուն է Ավինյանին քննադատում Իշխանությունը պարտության է տարել պետությանը ոչ միայն Արցախը հանձնելով, այլ ՀՀ-ն դարձնելով խոցելի. Տիգրան Աբրահամյան