Թուրք դիվանագետը գնահատել է Հայաստանի՝ ՆԱՏՕ-ին անդամակցելու շանսերը
Համաշխարհային Մամուլ
Հյուսիսատլանտյան դաշինքին (ՆԱՏՕ) անդամակցելու Հայաստանի շանսերը չափազանց ցածր են Թուրքիայի և մի շարք այլ երկրների հնարավոր վետոյի պատճառով, ՌԻԱ Նովոստիին ասել է դաշինքում Թուրքիայի նախկին ներկայացուցիչ Օնուր Օյմենը։
«Հայաստանը պետք է շատ փոփոխություններ կատարի: Իմ կարծիքով, ներկայիս գլոբալ և տարածաշրջանային պայմաններում նման թեմա չի կարող մտնել ՆԱՏՕ-ի օրակարգ»,- ասել է Օյմենը։
Նա հիշեցրել է, որ դաշինքին նոր անդամ ընդունելու համար անհրաժեշտ է բոլոր անդամ երկրների հավանությունը։
«Եթե մի շարք երկրներ օգտվեն վետոյի իրավունքից, Հայաստանը չի ընդունվի ՆԱՏՕ, որոշ հարցերում Թուրքիայի դիրքորոշումը հայտնի է, ուստի կարծում եմ, որ Երևանի դաշինք մտնելու հավանականությունը չափազանց ցածր է, և պետք չէ նույնիսկ կռահել, թե ինչպիսին կլինի հնարավոր քվեարկության արդյունքները»,- ընդգծել է դիվանագետը։
Ամենադիտված 
Մնաս բարյավ. Րաֆֆի Հովհաննիսյան
