Սամվել Շահրամանյանն ընտրվեց Արցախի նախագահ

Այսօր՝ սեպտեմբերի 9-ին, կայացավ ԱՀ Ազգային ժողովի արտահերթ նիստը՝ Արցախի նախագահ ընտրելու հարցով։

Փակ քվեարկությանը մասնակցել է 23 պատգամավոր, 22-ը քվեարկել է կողմ, 1-ը՝ դեմ։

Քվեարկության արդյունքում՝ Արցախի Ազգային ժողովի որոշմամբ, Սամվել Սերգեյի Շահրամանյանն ընտվեց Արցախի նախագահ։

Սամվել Շահրամանյանը նախագահի միակ թեկնածուն էր, քանի որ «Միասնական հայրենիք» խմբակցության կողմից Սամվել Բաբայանի՝ Արցախի նախագահի թեկնածության առաջադրման մասին դիմումն ու դրան կից ներկայացված փաստաթղթերը վերադարձվել էին: 

Հիշեցնենք՝ նրա թեկնածությունը առաջադրել էին «Ազատ հայրենիք - ՔՄԴ», «Արդարություն», «Հայ հեղափոխական դաշնակցություն» և «Արցախի ժողովրդավարական կուսակցություն» խմբակցությունները։