ԱՄՆ-ն կարող է ATACMS բալիստիկ հրթիռներ տրամադրել Ուկրաինային. ABC
Համաշխարհային Մամուլ
Ուկրաինային ԱՄՆ ռազմական օգնության նոր փաթեթում կարող են ներառվել ATACMS մարտավարական բալիստիկ հրթիռները։ Այս հարցը քննարկվում է ամերիկյան վարչակազմի կողմից, հաղորդում է ABC հեռուստաընկերությունը։
«Նրանք կտրամադրվեն», - ABC-ին ասել է ամերիկացի պաշտոնյան, սակայն նշել է, որ Վաշինգտոնի պլանները այս տեսակի զենքի համար կարող են փոխվել: ԱՄՆ վարչակազմի մեկ այլ պաշտոնյա հավելել է, որ ATACMS-ի մատակարարումների հարցը այժմ «քննարկվում է», և որ դրանք կարող են փոխանցվել Կիևի իշխանություններին ռազմական օգնության հաջորդ փաթեթում:
Միևնույն ժամանակ, եթե նույնիսկ հաստատվի Կիև ATACMS-ի մատակարարումը, հրթիռների տեղափոխման գործընթացը «կարող է տևել մի քանի ամիս»։
Մինչև 300 կմ հեռահարություն ունեցող ATACMS հրթիռները կարող են արձակվել HIMARS բազմակի արձակման հրթիռային համակարգի միջոցով։ Կիևի իշխանությունները բազմիցս խնդրել են Վաշինգտոնին տրամադրել այս տեսակի զենք, սակայն դեռ օգոստոսի կեսերին Սպիտակ տան ազգային անվտանգության խորհրդի ռազմավարական հաղորդակցության համակարգող Ջոն Քիրբին հայտարարել էր, որ Վաշինգտոնը դեռևս վերջնական որոշում չի կայացրել ATACMS-ի վերաբերյալ: նշել է, որ Կիևի իշխանությունները «ստացել են այն ամենը, ինչ պահանջվել է հակահարձակման համար երկու երկրների զինվորականների միջև խորհրդակցությունների ժամանակ»։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
