ՆԱՏՕ-ն կանցկացնի «սառը պատերազմից» ի վեր իր ամենախոշոր զորավարժությունները. Financial Times

ՆԱՏՕ-ի երկրները պատրաստվում են 2024 թվականին անցկացնել «Սառը պատերազմից» ի վեր ամենախոշոր զորավարժությունները։ Այս մասին գրում է Financial Times թերթը։

ՆԱՏՕ-ն պատրաստվում է «Սառը պատերազմից» ի վեր ամենախոշոր միասնական հրամանատարական զորավարժություններին, որոնք համախմբում են ավելի քան 40 000 զինվորների՝ հաջորդ տարի դաշինքի անդամի դեմ ռուսական հարձակումը հետ մղելու փորձի համար:

Կազմակերպիչները զորավարժությունը կկոչեն «Անսասան պաշտպան»։ Նախատեսվում է, որ զորավարժությունները կսկսվեն գարնանը՝ Գերմանիայում, Լեհաստանում և Բալթյան երկրներում։ Դաշինքը քննարկում է նաև Շվեդիայի տարածքը, որի անդամակցության դիմումը Թուրքիան խոստացել էր քննարկել հոկտեմբերին։ Արդեն կա ռազմավարություն, ըստ որի՝ զինվորականներին անհրաժեշտ կլինի կատարել մինչև 700 օդային մարտական ​​առաջադրանք։

Զորավարժություններին կմասնակցի ավելի քան 50 նավ։