Նրանց համար, ովքեր թշնամի են դարձել, դժվար թե տեղ գտնվի մեր հայրենիքում․ Պեսկով
Աշխարհ
ՌԴ նախագահի մամուլի քարտուղար Դմիտրի Պեսկովը РБК-ին տված հարցազրույցում, ի թիվս այլ հարցերի, գնահատել է պատերազմի սկսվելուց հետո երկիրը լքած ռուսաստանցիների վերադարձի հեռանկարները։
Ըստ Պեսկովի՝ արտերկրում ապրող ռուսաստանցիները վաղ թե ուշ կսկսեն վերադառնալ, «քանի որ մեր աճող շուկան ավելի ու ավելի գրավիչ է դառնում շատ երկրներում բացասական տնտեսական միտումների ֆոնին, որտեղ այդ մարդիկ հեռացել են»: Ռուսաստանը, նրա խոսքով, տնտեսապես «վատ չէ» իրեն զգում՝ չնայած «անբարյացակամ մթնոլորտին»՝ արևմտյան պատժամիջոցներին։
Սակայն, ընդգծել է Պեսկովը, Ռուսաստանը պատրաստ է ընդունել ոչ բոլոր հեռացածներին։ «Նրանց համար, ովքեր դարձել են թշնամիներ, մեր հայրենիքում հազիվ թե տեղ գտնվի»,- ասել է Պեսկովը՝ հավելելով, որ նման մարդկանց թիվը «չպետք է ուռճացնել»։
Հարցին, թե արդյոք Ռուսաստանի իշխանությունները պատրաստվում են ինչ-որ բան անել ռուսաստանցիների ն վերադարձնելու համար, Պեսկովն ասել է, որ «միջոցառումները կարող են լինել միայն մեր երկրի գրավչության տեսքով»։
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
