«Մեկ գոտի-մեկ ճանապարհ» նախագիծը չի կարող իրականացվել առանց Թուրքիայի. Էրդողան
Թուրքիա
Թուրքիայի նախագահ Թայիփ Էրդողանը հայտարարել է, որ իր երկիրը պետք է մաս կազմի Չինաստանի «Մեկ գոտի–մեկ ճանապարհ» նախագծին:
«Չինաստանը մեծ առաջընթաց է գրանցել այս նախաձեռնության իրականացման հարցում, և նա շարունակում է առաջ շարժվել: Բայց մենք նունպես աշխատում ենք այս ուղղությամբ: Նպատակը Մարմարայ [Բոսֆորի թունել] հասնելն է: Առանց Թուրքիայի այս տրանսպորտային միջանցքը չի կարող գոյություն ունենալ: Թուրքիան կարևոր արտադրական և առևտրային բազա է: Արևելքից արևմուտք ամենահարմար ճանապարհը պետք է անցնի Թուրքիայով»,- լրագրողներին ասել է Էրդողանը Հնդկաստանից վերադառնալուց հետո, որտեղ անցկացվում էր G20 գագաթնաժողովը: Նրա խոսքերը մեջբերում է TRT հեռուստաալիքը։
«Մենք շահեկան դիվանագիտություն ենք վարում և գնահատում ենք, թե ինչպես կարող ենք օգուտ քաղել այդ այլընտրանքային ուղիներից: Եվ մենք տեսնում ենք, որ այլ երկրներ փորձում են ընդլայնել իրենց ազդեցության գոտիները նոր ուղիներով: Այնուամենայնիվ, մենք այս հարցին նայում ենք «ճանապարհը քաղաքակրթություն է» տեսանկյունից և հուսով ենք, որ այս նախագծերը կծառայեն քաղաքակրթության զարգացմանը, մարդկանց բարեկեցությանը և խաղաղությանը»,- ասել է նա։
Ամենադիտված 
Ինչու են այս տարի Հանրապետության հրապարակում ամանորյա ձևավորման աշխատանքները 2 ամիս շուտ սկսվել
