Իլոն Մասկը Մոսկվայում մի քանի բաժակ օղի է խմել ու կորցրել գիտակցությունը
Համաշխարհային Մամուլ
2000-ականների սկզբին SpaceX-ի հիմնադիր Իլոն Մասկը Մոսկվայում կայացած գործնական հանդիպման ժամանակ մի քանի բաժակ օղի է խմել և կորցրել գիտակցությունը։ Այս մասին գրել է Business Insider-ը։
Ըստ Ուոլթեր Այզեքսոնի գրքի՝ 2002 թվականին ձեռնարկատերը ցանկացել է առաքելություն սկսել դեպի Մարս և այնտեղ բույսեր աճեցնել։ Նա գնացել Մոսկվա՝ ռուսական մի քանի հրթիռ–կրիչներ գնելու ակնկալիքով։ Ճանապարհին նա այցելել է Փարիզ, որտեղ մասնակցել է խնջույքի և հաջորդ օրը ժամանել Ռուսաստան։
Գործնական լանչի ժամանակ, ինչպես գրում է գրքի հեղինակը, գործարարին շատ քիչ խորտիկներ են մատուցել, բայց շատ օղի։ Նրան ու իր գործընկերներին տվել են նաեւ մեկ շիշ օղի, որի պիտակի վրա պատկերված էր նրանցից յուրաքանչյուրը Մարսի ֆոնին։
Մի քանի կենացներից հետո Մասկն ուշագնաց է եղել, և գլուխը հարվածել է սեղանին։ «Չեմ կարծում, որ տպավորություն եմ գործել ռուսների վրա», - խոստովանել է նա իր կենսագրին:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
