ԵՀ նախագահին քննադատել են մասնավոր ինքնաթիռներ օգտագործելու համար

Եվրահանձնաժողովի (ԵՀ) նախագահ Ուրսուլա ֆոն դեր Լեյենը քննադատության է ենթարկվել այն բանից հետո, երբ պարզվել է, որ նա իր գործուղումների ժամանակ օգտագործել է մասնավոր ինքնաթիռներ։ Այս մասին գրում է Spiegel ամսագիրը։

Ուրսուլա ֆոն դեր Լեյենը երկու տարվա ընթացքում 57 անգամ ինքնաթիռ է վարձել իր ճանապարհորդության համար, ասվում է հոդվածում։ Այս տեղեկությունը հաստատել է ԵՄ ներկայացուցիչը՝ նշելով, որ 2021 և 2022 թվականներին ԵՀ ղեկավարը ստիպված է եղել օգտվել մասնավոր ինքնաթիռներից՝ համաճարակի ժամանակ կանոնավոր չվերթների սահմանափակումների պատճառով։

Դա եվրոպացի խորհրդարանականների կողմից քննադատության պատճառ է հանդիսացել, նշվում է նյութում։ Այսպես, պատգամավոր Մարտին Շիրդեվանն ասել է, որ ԵՀ-ն վատնում է հարկատուների գումարները մասնավոր ինքնաթիռներով թռիչքների վրա։

Եվրախորհրդարանում Գերմանիայի սոցիալ-դեմոկրատների առաջնորդ Յենս Գայերն ասել է, որ կստուգի ֆոն դեր Լեյենի ճանապարհորդության մեթոդների մասին տեղեկությունները։

Մինչ այս մի շարք եվրոպական լրատվամիջոցներ Եվրախորհրդի ղեկավար Շառլ Միշելին մեղադրել էին արտասահմանյան ուղեւորությունների վրա մեծ ծախսերի մեջ։

Այսպիսով, բելգիական RTBF հեռուստաալիքը հայտնել էր, որ Միշելը կարող է միջազգային գործունեության մեջ մրցակցել Եվրահանձնաժողովի ղեկավար Ուրսուլա ֆոն դեր Լեյենի հետ։