Շարունակելով ներկայացնել հեղափոխական պաշտոնյաների գույքն ու եկամուտները` այսօր կանդրադառնանք ԱԺ ամենահարուստ ՔՊ-ական պատգամավորների տասնյակին:
ԱԺ պատգամավոր Գուրգեն Արսենյանը հայտարարագրել է 6,000,000.00 ԱՄՆ դոլար, 694,000.00 կանխիկ ԱՄՆ դոլար, 4,660,000.00 և 4,835,000.00 կանխիկ ՀՀ դրամ: Վերջինս հայտարարագրել է նաև հողամասեր, հասարակական նշանակության շինություններ, 4 ավտոմեքենա, արժեթղթեր և ներդրումներ:
ԱԺ պատգամավոր Արսեն Թորոսյանը հայտարարագրել է 20,804.00 և 10,360.48 եվրո, 12,843,129.00 ՀՀ դրամ, 12,177.59 ԱՄՆ դոլար: Վերջինս հայտարարագրել է նաև անհատական բնակելի տուն և հողամաս՝ գնված 2020 թվականին: 2021-ին Թորոսյանը նույնպես հողամաս է ձեռք բերել: Նա հայտարարագրել է նաև ավտոմեքենա, ավստրիական բանկից ստացված 20,737.10 եվրո:
«Իմ քայլը» խմբակցության պատգամավոր Արուսյակ Ջուլհակյանի՝ պաշտոնը ստանձնելու հայտարարագրում նշված է 8000.00 ԱՄՆ դոլարի և 3100000.00 ՀՀ դրամի արժեթղթեր: 1,500,000.00 ՀՀ դրամի, 2,500.00 ԱՄՆ դոլարի, 1,000.00 եվրոյի դրամական միջոցներ:
Պատգամավոր Գևորգ Պապոյանը հայտարարագրել է մեկ բնակարան, VOLKSWAGEN BORA 1.6, VAZ 2107 և SAAB 9-3 2.0 L ավտոմեքենաները, 1200000.00 ՀՀ դրամի և 7500.00 ԱՄՆ դոլարի դրամական միջոց: Պաշտոնը ստանձնելու պահին էլ վերջինիս դրամական միջոցները կազմել են 200,000.00 ՀՀ դրամ:
ԱԺ «Իմ քայլը» խմբակցության պատգամավոր Անդրանիկ Քոչարյանը հայտարարագրել է 30,000.00 և 11,999.00 ԱՄՆ դոլար, 9,797,090.00 և 2,000,000.00 ՀՀ դրամ: Հետաքրքիր է, թե պատգամավորի համեստ աշխատավարձով ապրող, որևէ բիզնես չունեցող Քոչարյանին որտեղից այս եկամուտները:
Ռուստամ Բաքոյանի բանկային հաշվի մնացորդը, ըստ նրա հայտարարագրի, կազմում է 1,118,257.00 դրամ, կանխիկը՝ 15,000,000.00 դրամ և 12,000.00 ԱՄՆ դոլար: Աշխատանքից ստացված վարձատրությունը կազմում է 7,813,540.00 դրամ:
Մաթևոս Ասատրյանի անշարժ գույքի քանակը պահպանվել է՝ 8-ն է: Ավտոմեքենաները երկուսն են՝ 2016 թվականին ձեռք բերված Toyota-ն եւ UAZ-ը: Բանկային հաշվին 2020 թվականի սկզվին առկա է եղել 227 հազար դրամ, որը տարեվերջին դարձել է 258 հազար դրամ, իսկ կանխիկ դրամը 1 մլն դրամից դարձել է 1 մլն 500 հազար դրամ: ՔՊ-ական պատգամավորի խորհրդարանից ստացած աշխատավարձը կազմել է 7 մլն 789 հազար դրամ, այսինքն՝ ամսական 649 հազար դրամ: Նա նաեւ ՀՀ առեւտրային բանկերից մեկից ստացել է 389 հազար դրամի չափով փոխառություն, վարկ: Պարզվում է՝ 2021 թվականի տարեկան հայտարարագրում ՔՊ-ական պատգամավորի կյանքում դրական փոփոխություն է տեղի ունեցել, նա բնակարանատեր է դարձել: Վերջինս նաև 30 մլն 399 հազար դրամով կամ 72 հազար դոլարով բնակարան է գնել Երեւանի Աջափնյակ վարչական շրջանում: Գործարքի մյուս կողմը «Նորիկ-70» ընկերությունն է:
Վահե Ղալումյանի՝ պաշտոնը ստանձնելու հայտարարագրում նշված են չորս հողամասերը, մեկ անհատական բնակելի տունը, երկու բեռնատարները: Նվիրատվության կամ օգնության կարգով ստացված գույքը, դրամական միջոցները (բացառությամբ աշխատանքի), ծառայության տեսքով ստացած դրամական միջոցները կազմել են 150,000.00 ռուբլի: Ուշագրավն այն է, որ արդեն տարեկան հայտարարագրում հողամասերը և անգամ անհատական բնակելի տունը անհետացել են, չկան նաև բեռնատարները, որոնցից միայն մեկի ճակատագիրն է հայտնի՝ այն օտարվել է 1,930,000.00 դրամով, իսկ հարկային տարում Ղալումյանի դրամական միջոցները կազմել են 3,630,643.00 դրամ:
ՔՊ-ական պատգամավոր Մերի Գալստյանը պաշտոնը ստանձնելու պահին հայտարարագրել էր ընդամենը 317 հազար դրամ։ Իսկ ահա 2022-ին վերջինիս եկամուտները կտրուկ աճ են արձանագրել և կազմել են 14 միլիոն 343 հազար դրամ։
Հայկ Սարգսյանի տարեկան հայտարարագրում նշված է, որ բանկային հաշվին մնացորդը կազմել է 4 մլն 385 հազար դրամ: Իսկ կանխիկ գումարը՝ 24 մլն դրամ եւ 55 հազար դոլար: Նա բանկերից մեկից ստացել է 82 հազար դրամի եկամուտ, իսկ ամսական աշխատավարձը կազմել է 698 հազար դրամ: 2021 թվականի տարեկան հայտարարագրի ծախսերի վերաբերյալ հատվածում ոչինչ նշված չէ: Ուշագրավն այն է, որ պատգամավորը եւ 2021 եւ 2022 թվականների հայտարարագրերում ոչ մի տող չի հիշատակել Սեւանա լճի ափին գործող «White Shorja» ամառային լողափի, սրճարանի մասին: Այն, որ «White Shorja»-ն պատկանում է Սարգսյանին, այս մասին բազմաթիվ լրատվամիջոցներ գրել են: Ավելին` Սարգսյանի կինն է պարբերաբար լուսանկարներ հրապարակում այդ լողափից: Բայց, չգիտես ինչու, Սարգսյանը գերադասել է լողափի մասին հայտարարագրերում չնշել:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
