Պուտինն ու Լուկաշենկոն հանդիպում կունենան

Բելառուսի նախագահ Ալեքսանդր Լուկաշենկոն աշխատանքային այցով մեկնել է Ռուսաստան։ Այս մասին հայտնում է քաղաքական գործչի վարչակազմին մոտ գտնվող  Пул Первого հեռագրային ալիքը։

Լուկաշենկոյի այցի հիմնական նպատակը լինելու են Ռուսաստանի նախագահ Վլադիմիր Պուտինի հետ բանակցությունները, որոնք տեղի կունենան սեպտեմբերի 15-ին։

Հանդիպման ընթացքում երկու երկրների ղեկավարները կքննարկեն միջազգային օրակարգը և տարածաշրջանային խնդիրները, ինչպես նաև համատեղ անելիքները տնտեսության, արդյունաբերության, գյուղատնտեսության և այլ ոլորտներում։

Վերջին անգամ Լուկաշենկոն Ռուսաստան է ժամանել այս տարվա հուլիսին։ Բելառուսի և Ռուսաստանի նախագահներն այցելել են Սանկտ Պետերբուրգի Կրոնշտադտի ռազմածովային տաճար, ապա տաճարի մոտ գտնվող հրապարակում զրուցել ռուսների հետ։

Լուկաշենկոն աշխատանքային այցով Ռուսաստանի Դաշնություն է մեկնել նաև ապրիլին։

Այնուհետև նա մասնակցել է Բելառուսի և Ռուսաստանի միութենական պետության բարձրագույն պետական ​​խորհրդի նիստին։