Նեթանյահուն կօգնի Մասկին հակասեմիտիզմի դեմ պայքարում

Իսրայելի վարչապետ Բենիամին Նեթանյահուն սեպտեմբերի 18-ին կմեկնի Սիլիկոնային հովիտ (Կալիֆորնիա, ԱՄՆ)՝ հանդիպելու միլիարդատեր Իլոն Մասկի հետ և նրա հետ քննարկելու X (Twitter) սոցիալական ցանցում հակասեմական տրամադրությունների աճի խնդիրը։ Այս մասին հայտնում է The Washington Post (WP) թերթը։

WP-ն գրում է, որ ամերիկյան իրավապաշտպան կազմակերպությունները Մասկին մեղադրում են սոցցանցում ատելություն սերմանելու մեջ՝ «համաներելով» տարբեր օգտատերերի, որոնք նախկինում արգելափակվել էին հակասեմական հայտարարությունների համար։ Նման «համաներման» վառ օրինակ է սպիտակամորթների գերակայության թեորիայի հետևորդի Նիկ Ֆուենտեսի ապաարգելափակումը, որին Twitter-ն արգելափակել էր դեռևս 2021 թվականի հուլիսին։

Ըստ WP-ի՝ Նեթանյահուն ինչ-որ կերպ պետք է օգնի Մասկին՝ լուծելու X-ի նկատմամբ աճող քննադատության հետ կապված խնդիրը: Առաջիկա հանդիպման մանրամասները չեն հաղորդվում։

Հրատարակությունը հայտնում է, որ Նեթանյահուի և Մասկի հանդիպումը կազմակերպել հրեա գործարարները։ Մասնավորապես, դրա նախապատրաստմամբ զբաղվում է Palantir ՏՏ ընկերության հիմնադիր Ջո Լոնսդեյլը։