ԱՄՆ պետդեպարտամենտը՝ Ադրբեջանին զենք մատակարարելու թույլտվության երկարաձգման մասին
Աշխարհ
Պետդեպարտամենտը դեռ որոշում չի կայացրել Վաշինգտոնի կողմից Բաքվին զենք մատակարարելու թույլտվության երկարաձգման անհրաժեշտության մասին։ Այս մասին Կոնգրեսի Սենատի արտաքին հարաբերությունների հանձնաժողովում լսումների ժամանակ հայտարարել է ԱՄՆ պետքարտուղարի Եվրոպայի եւ Եվրասիայի հարցերով օգնականի պաշտոնակատար Յուրի Քիմը։
Ամերիկացի մի քանի օրենսդիրներ դեմ են արտահայտվել Վաշինգտոնի վարչակազմի կողմից Ազատության աջակցության ակտի 907-րդ հոդվածի դադարեցմանը, որը սահմանափակում է ԱՄՆ կառավարության օգնությունը Ադրբեջանին: «Նշեմ, որ 907-րդ ուղղման վերջին կասեցման ժամկետը լրացել է հունիսին: Մենք [փոփոխման] կասեցման նոր հայտ չենք ներկայացրել, քանի որ մենք իրավիճակի շատ մանրակրկիտ գնահատում ենք իրականացնում»,- ասել է Քիմն այս առնչությամբ:
Նա վստահեցրել է, որ Պետդեպարտամենտը հասկանում է, որ «շատ լուրջ և զգույշ մոտեցում է պահանջվում» այս հարցի քննարկման համար։ Քիմը հավելել է, որ Միացյալ Նահանգները պետք է «ռազմավարական հարաբերություններ կառուցի ինչպես Հայաստանի, այնպես էլ Ադրբեջանի հետ»։ Պատասխանելով ուղղումը չերկարաձգելու և Բաքվի դեմ պատժամիջոցներ կիրառելու մասին սենատորների կոչերին, Քիմն ընդգծել է՝ ոչինչ չեն բացառում»։
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
