Ազատ խոսքի և լրագրողների դեմ բռնություն գործադրած պաշտոնյաների 10-յակը

Գործող իշխանության բազմաթիվ ներկայացուցիչներ կամ նախկինում իրենք էին զբաղվում լրագրողական գործունեությամբ, այլ կերպ ասած ՝լրատվական դաշտի ներկայացուցիչ էին, կամ լինելով քաղ.ակտիվիստ ներգրավված էին լրագրողների դեմ բռնությունների դեմ պայքարի մեջ: Սակայն, իրավիճակը կտրուկ փոխվեց այն բանից հետո, երբ այդ նույն մարդիկ դարձան պաշտոնյա՝ մոռանալով իրենց անցյալը և իրենց գործընկերների ոտնահարվող իրավունքները: Այսօր լրագրողների դեմ ֆիզիկական բռնություն կիրառողները, վերջիններիս հետ ոչ վայելուչ բառապաշար կիրառողները հենց իրենք են:

Դիցուք՝ ԱԺ պատգամավոր Անդրանիկ Քոչարյանը աչքի է ընկնում լրագրողների հանդեպ իր մեծ սիրով:

ՔՊ-ական մեկ այլ պատգամավոր Քրիստինե Պողոսյանն ընդհանրապես պատրաստվում էր հարվածել իր աշխատանքային պարտականությունները կատարող լրագրողին՝ նման վարքագիծը համեմելով սպառնալիքներով։

Պատգամավոր Արմեն Խաչատրյանը լրագրողների հետ շփվում է պատագամավորին ոչ վայել բառապաշարով։

Պատգամավոր Վահագն Ալեքսանյանը լրագրողներին անվանել է վերբալ մարմնավաճառներ, մինչդեռ այս խոսույթը նույնպես, մեղմ ասած, չի տեղավորվում պատգամավորի էթիկայի կանոնների մեջ։

Առանձնակի սիրով լրագրողների հանդեպ չի փայլում նաև Սփյուռքի գործերով գլխավոր հանձնակատար Զարեհ Սինանյանը։

Նույնը կարելի է ասել նաև Հովիկ Աղազարյանի մասին։

ՊՊԾ արդեն պետ Սարգիս Հովհաննիսյանը ոտքով հարվածում է լրագրողին և դեռ երկար ժամանակ շարունակում պաշտոնավարել։

Օրեր առաջ Հայաստանի ժուռնալիստների միությունը հանդես եկավ հայտարարությամբ, որում դատապարտեց Newday.am կայքի հիմնադիր, լրագրող Անի Գևորգյանի դեմ «Քաղաքացիական պայմանագիր» կուսակցության համակիրների ու աջակիցների, ինչպես նաև առանձին պաշտոնատար անձանց կողմից կատարվող հարձակումները, վիրավորանքներն ու հայհոյանքները:

Հիշեցնենք, որ ԲՏԱ նախկին նախարար Հակոբ Արշակյանի և լրագրող Փայլակ Ֆահրադյանի միջև տեղի ունեցած միջադեպի վերաբերյալ հրապարակումը Գլխավոր դատախազությունն ուղարկել է Հատուկ քննչական ծառայություն՝ նյութեր նախապատրաստելու։

Տիգրան Ավինյանի աջակիցներից մեկը հրապարակավ վիրավորել է լրագրողին և որևէ ՔՊ-ական պաշտոնյա, այդ թվում՝ Տիգրան Ավինյանը, նրան չեն սասատել։

Ընդդիմադիր Նիկոլ Փաշինյանը,  ով 2014 թվականին ՀԱԿ խմբակցության պատգամավոր էր,  բարձրաձայնում էր լրագրողի վրա հարձակման մասին: 

«Տիկնայք և պարոնայք, երեկ Ազգային ժողովում հերթական արտառոց միջադեպն է գրանցվել: Ինձ հայտնի անձը, լրատվամիջոցների պնդմամբ` ԱԺ անվտանգության պետ Կարեն Հայրապետյանը, ԱԺ տարածքից դուրս գալով հարձակում է գործել Ա1+-ի լրագրող Մարինե Խաչատրյանի վրա: Որպես ԱԺ պատգամավոր` դատապարտում եմ ԱԺ աշխատակցի նման գործելակերպը, բայց մինչ այդ, պարո՛ն Սահակյան, պատեհ կլինի, որ դուք միջամտեք, որպեսզի իրականացվի ծառայողական քննություն»,- ասաց Նիկոլ Փաշինյանը՝ դիմելով ԱԺ նախագահ Գալուստ Սահակյանին:

Արդյո՞ք վարչապետ Փաշինյանն այսօր պահանջում է ծառայողական քննություն իրականացնել լրագրողներին վիրավորող, հայհոյող և նրանց նկատմամբ բռնություն գործադրող իր թիմակիցների հանդեպ․ իհարկե, ոչ: Ահա այսպիսի երկակի ստանդարտների հետ գործ ունենք, երբ պաշտոնը անճանաչելի է դարձնում նախկին ակտիվիստներին...