Քանի դեռ զինված դիմակայությունը կա, Բեռլինը կաջակցի Կիևին. Շոլց

Գերմանիայի կանցլեր Օլաֆ Շոլցը հավաստիացրել է Ուկրաինային հետագա աջակցությունը, սակայն չի կանխատեսել, թե որքան կտևի հակամարտությունը։ Այս մասին քաղաքական գործիչը հայտարարել է Welt am Sonntag թերթին տված հարցազրույցում։

Շոլցն ընդգծել է, որ քանի դեռ զինված դիմակայությունը կա, Բեռլինը կաջակցի Կիևին, և Գերմանիայի իշխանությունները պատրաստ են դրան։

Միաժամանակ, նա նշել է, որ ոչ ոք չի կարող ասել, թե որքան կտևի հակամարտությունն Ուկրաինայում։ Չնայած դրան՝ ուկրաինացիները կարող են վստահ լինել գերմանացիների աջակցության հարցում։

2022 թվականի փետրվարից Գերմանիան Ուկրաինային օգնություն է տրամադրել, այդ թվում՝ ռազմական օգնություն՝ 22 միլիարդ եվրոյի չափով, ի թիվս այլ բաների, Բեռլինը Կիևին մատակարարել է հակաօդային պաշտպանության համակարգեր և տանկեր։