Լաչինի միջանցքը պետք է անհապաղ վերաբացվի՝ հումանիտար աղետից խուսափելու համար․ Պիերո Ֆասինո

«Լաչինի միջանցքը՝ Լեռնային Ղարաբաղի և Հայաստանի միակ հաղորդակցման ուղին, պետք է անհապաղ վերաբացվի՝ հումանիտար աղետից խուսափելով համար»։ Այդ մասին հայտարարել է Եվրոպայի խորհրդի Ժողովրդավարության, մարդու իրավունքների և օրենքի գերակայության մոնիտորինգի հանձնաժողովի նախագահ Պիերո Ֆասինոն, որն այսօր առավոտյան նիստ է գումարել Փարիզում, հայտնում են Իտալիայում ՀՀ դեսպանությունից։ 

«Ադրբեջանական զորքերի կողմից միջանցքի ամբողջական շրջափակումը, հիշեցրել է Ֆասինոն, խոչընդոտում է մարդասիրական օգնության և առաջին անհրաժեշտության ապրանքների մատակարարմանը, որոնք անհրաժեշտ են Լեռնային հայ բնակչությանը գոյատևելու համար»:

Ֆասինոն նաև հավելել է. «Լաչինի միջանցքի շրջափակումը ակնհայտորեն խախտում է Հայաստանի, Ադրբեջանի և Ռուսաստանի Դաշնության միջև 2020 թվականի նոյեմբերին ստորագրված համաձայնությունը։ Եկեք Եվրոպայի խորհրդի ձայնը միացնենք ՄԱԿ-ի, Եվրամիության, ԵԱՀԿ-ի և բազմաթիվ կառավարությունների կոչերին, որոնք հորդորել են Ադրբեջանի իշխանություններին՝ անհապաղ վերացնել միջանցքի շրջափակումը և վերականգնել գազի և ջրի մատակարարումը».

«Ոչ ոք չի ների նրանց, ում վրա կընկնի անպաշտպան բնակչությանը հումանիտար աղետի ենթարկելու համար պատասխանատվությունը», - եզրափակել է Ֆասինոն։

Ringraziamo di cuore il Presidente Piero Fassino per la solidarietà, per la fedeltà ai valori universali e per la difesa della giustizia!

Մեր անկեղծ երախտագիրությունն ենք հայտնում պարոն Ֆասսինոյին համերաշխություն, համամարդկային արժեքների և արդարության պաշտպանության համար։

Այս թեմայով Շուշի-Լաչին ավտոճանապարհին ռուս խաղաղապահներին պատկանող վառելիքով բեռնված մեքենա է կողաշրջվել ԵԱՀԿ-ն պետք է հասնի Լաչինի միջանցքի անհապաղ վերաբացմանը. ԵԱՀԿ-ում Ֆրանսիայի դեսպան Լաչինի միջանցքը պետք է վերաբացվի հիմա․ Բորել Արգենտինայի նախագահը դատապարտել է Ադրբեջանի կողմից Լաչինի միջանցքի արգելափակումը Ավստրալիայի դեսպանը կոչ է արել ապաշրջափակել Լաչինի միջանցքը