Էլեկտրաշարժիչով տրանսպորտային միջոցները չեն մաքսազերծվում. ՊԵԿ պարզաբանումը

Լուրեր.com-ը հարցում էր ուղարկել Հայաստանի Պետական եկամուտների կոմիտե պարզելու համար, թե արդյոք Հայաստան ներմուծվող էլեկտրական և էլեկտրական հիբրիդ, այսինքն բենզինով սնուցվող էլեկտրական շարժիչ ունեցող ավտոմեքենաները մաքսազերծման ենթական են, թե ոչ: Արդյոք այդ ավտոմեքենաները անվճար են մաքսազերծվում, թե ոչ։ 

ՊԵԿ-ից մեզ տեղեկացրին, որ համաձայն ԵՏՀ խորհրդի 17.03.2023 թվականի որոշման, ինչպես նաև ՀՀ կառավարության 22.12.2022 թվականի թիվ 2015-Ն որոշման 2023 թվականին ԵԱՏՄ ԱՏԳ ԱԱ  8703 B0 000 2 ծածկագրին դասվող էլեկտրաշարժիչով շարժիչային տրանսպորտային միջոցների Հայաստանի Հանրապետություն ներմուծումը թույլատրվում է 0 տոկոս ներմուծման մաքսատուրքի կիրառման պայմանով՝ 7400 հատից ոչ ավել ծավալով:

Միաժամանակ տեղեկացվում է, որ համաձայն ՀՀ հարկային օրենսգրքի 64-րդ հոդվածի 2-րդ կետի 57-րդ ենթակետի ՝ 2022 թվականի հունվարի 1-ից մինչև 2024 թվականի հունվարի 1-ը ԵԱՏՄ ԱՏԳ  ԱԱ 8703 80 000 ծածկագրին դասվող տրանսպորտային միջոցների ներմուծումը և (կամ) օտարումը ազատվում է ավելացված արժեքի հարկից:

Ընդհանուր առմամբ ներքին այրման՝ օրինակ բենզինային կամ դիզելային և էլեկտրական շարժիչների համադրությամբ տրանսպորտային միջոցները ներկայացվում են որպես հիբրիդային տրանսպորտային միջոց:

ՊԵԿ-ի ՝ մեր հարցման ստացված պատասխանը ամբողջությամբ ներկայացնում ենք ստորև։