Ադրբեջանը խախտեց պայմանավորվածությունը․ կրակ բացելով Ստեփանակերտի ուղղությամբ՝ փորձում են ադրբեջանական դրոշը դնել քաղաքի կենտրոնում. «Փաստինֆո»

Ադրբեջանը խախտեց պայմանավորվածությունը․ մինչ Եվլախում «բանակցություններ են» ընթանում, ադրբեջանական զինյալները կրակում են խաղաղ բնակավայրերի ուղղությամբ՝ այդ թվում Ստեփանակերտի։ Այդ մասին «Փաստինֆո»-ին հայտնեցին Ստեփանակերտից։

«Ցավոք, ադրբեջանցիները փորձում են դրոշը դնել Ստեփանակերտի կենտրոնում։ Կենտրոն չեն հասել, Ստեփանակերտի վերևի թաղամասերում են, մերոնք դիմադրում են։ Չգիտեմ՝ կհաջողվի նրանց դա անել, թե ոչ»,-ասաց Ստեփանակերտի բնակիչը՝ ավելացնելով, որ այս պահին ինքնաձիգի կրակոցներ է լսում։