Ուր են և ինչու են լռում Հայաստանի խոշոր գործարարներն ու պաշտոնյաները. մաս 1. Գագիկ Խաչատրյան

Հայաստանում և Արցախում ստեղծված իրավիճակը մոբիլիզացրել է հայ հասարակության գրեթե բոլոր հատվածները՝ ուսուցիչներից, ուսանողներից մինչև հանրային տրանսպորտի վարորդներ և գործարարներ: Բոլորը փորձում են ուժերի ներածին չափով աջակցել Արցախին՝ ոմանք պարզապես քաղաքացիական դիրքորոշում են հայտնում, ինչը պայքարի պասիվ տարբերակներից է, բայց, ամեն դեպքում, պայքար է, ոմանք ակտիվորեն ներգրավված են ընթացիկ բողոքի ակցիաներին: Եվ այս իրավիճակում տրամաբանական հարց է առաջանում՝ իսկ ո՞ւր են այն նախկին պաշտոնյաները և գործարարները, ովքեր ողջ կարիերայի ընթացքում փորձել են ինքնահաստատվել Արցախի անունը հնչեցնելով, հմտորեն հայրենասերի դիմակ են կրել, իսկ այսօր, երբ իրենց խոսքն ու աջակցությունը արցախցուն ամենաշատն է պետք, լռում են: ԼՈւՐԵՐ.com-ը շարք է սկսում, որի նպատակն է անդրադառնալ այդ պաշտոնյաների և գործարարների լռությանը:

Նրանց շարքին է պատկանում նախկին իշխանության ամենաազդեցիկ դեմքերից մեկը ՝ ֆինանսների նախկին նախարար Գագիկ Խաչատրյանը: 2016 թվականին Խաչատրյանը մեծ աղմուկով փիառվում էր, որ Արցախին 600 հազար դրամի ֆինանսական օժանդակություն է տրամադրել՝ «Հայաստան» համահայկական հիմնադրամի միջոցով: 2016 թվականի Մայիսի 9-ին՝ Հաղթանակի օրը, Հաղթանակի զբոսայգում Խաչատրյանը հպարտորեն հայտարարում էր. «Կարծում եմ՝ ցանկացած մեկը Ղարաբաղի հարցում պետք է օժանդակություն ունենա»: Ինչպես երևում է՝ այսօր Խաչատրյանը այդպես էլ չի մտածում:

2017 թվականի հունիսին էլ Խաչատրյանը մեկնել էր Արցախ և ղեկավարության հետ քննարկում էր բարեգործական ծրագրերի ընթացքը: Հաշվի առնելով Խաչատրյանի բիզնեսները, դղյակները և եկամուտները՝ նրա օգնության չափը Արցախին, մեղմ ասած, զավեշտալի է: Սակայն, 44-օրյա պատերազմից հետո անգամ նման օգնություն Խաչատրյանը արցախցիներին չի առաջարկել: Իսկ այսօր, երբ Արցախում բառի բուն իմաստով ցեղասպանություն է և հայրենազրկում՝ անցել է ընդհատակ, կարծես իրադարձությունները տեղի են ունենում հեռավոր աֆրիկյան մի երկրում: Խաչատրյանի գլուխը թերևս խառն է, նա զբաղված է անձնական խնդիրները կարգավորելով: Հիշեցնենք, որ ֆինանսների նախկին նախարարը անցնում է քրեական 9 դրվագով: Նա մեղադրվում է չարաշահման, առանձնապես խոշոր չափով վատնում կատարելու և այն կազմակերպելու, փողերի լվացմանն օժանդակելու, պաշտոնեական լիազորությունները չարաշահելու, կաշառք ստանալու, պաշտոնեական կեղծիքներ կատարելու համար։ Նրա հետ մեղադրյալի աթոռին են երկու որդիներն ու երկու եղբորորդիները։ 

Ի դեպ, Խաչատրյանի որդիների մասին: Նրանք էլ ժամանակին անչափ մտահոգված էին Հայաստանի և Արցախի ճակատագրով, տարատեսակ նախաձեռնություններով էին հանդես գալիս: Դիցուք՝ տարիներ առաջ «Galaxy Group of Companies»-ի կազմում հանդես եկող ընկերությունների աշխատակիցներն իրենց աշխատավարձից նվիրատվություն էին կատարել «Զինծառայողների ապահովագրության» հիմնադրամին, իսկ «Գալաքսիի» հիմնադիրները հանգանակության գումարը կրկնապատկել էին: Այսօր արդեն Գագիկ Խաչատրյանի որդուն՝ Գուրգեն Խաչատրյանին մեղադրում են պետությունից ավելի քան 1,5 միլիարդ դրամի չափով գումար հափշտակելու մեջ, նրա նկատմամբ հայտարարվել է հետախուզում: Բացի այդ, Խաչատրյանի որդիները հայտնվել են անգամ ԱՄՆ դատախազների ուշադրության կենտրոնում։ Հիշեցնենք, որ ամերիկացի դատախազները դատարանի միջոցով ցանկանում են բռնագանձել Գագիկ Խաչատրյանի որդիների 2011 թ․ Խաչատրյանի որդիներից ավագը՝ Գուրգենը, եւ նրա կառավարած «Veto Trust»-ը 14,4 մլն դոլարով գնել էին Լոս Անջելեսի Վեսթվուդ շրջանի Հոլմբի Հիլզ թանկարժեք թաղամասի առանձնատներից մեկը (հասցեն՝ 530 South Mapleton Drive)։ 2017-ին Խաչատրյանները այս հասցեում նոր տուն էին կառուցել, որի բնակելի տարածքը 3126 քմ է, իսկ ընդհանուր անշարժ գույքի մակերեսը՝ 5224 քմ։ գույքը՝ համարելով, որ այն ձեռք է բերվել անօրինական միջոցներով: 

Թերևս դրանով է պայմանավորված, որ Արցախին օգնելու փոխարեն Խաչատրյանները օգնում են Փաշինյանի հիմնադրամին: Դիցուք՝ «Մեգասպորտ» ՍՊԸ-ն, որն իր մեջ ներառում է սպորտային խանութների ցանց, Աննա Հակոբյանի «Իմ քայլը» հիմնադրամին 5 մլն 930 հազար 940 դրամ է փոխանցել։ 

Շարունակելի...