ՌԴ-ն ու Թուրքիան քննարկել են Արցախում տիրող իրավիճակը

Ռուսաստանի փոխարտգործնախարար Սերգեյ Վերշինինը իր թուրք գործընկեր Բուրաք Աքչապարի հետ քննարկել է Լեռնային Ղարաբաղի և Սիրիայի շուրջ ստեղծված իրավիճակը, հացահատիկի գործարքը։ Այս մասին հայտնել են ՄԱԿ-ում Ռուսաստանի մշտական ​​ներկայացուցչությունում՝ Գլխավոր ասամբլեայի բարձր մակարդակի շաբաթվա շրջանակներում կայացած հանդիպման արդյունքներով, գրում է ՏԱՍՍ-ը։

«Զրուցակիցները հանգամանալից քննարկել են 2022 թվականի հուլիսի 22-ին ուկրաինական մթերքների արտահանման սևծովյան նախաձեռնության դադարեցումից հետո Ստամբուլի համաձայնագրերի շուրջ ստեղծված իրավիճակը»,-նշել է առաքելությունը: «Բացի այդ, ուշադրություն է դարձվել Լեռնային Ղարաբաղի զարգացումներին կարգավորման գործընթացը և ներկա իրավիճակը Սիրիայում»։

Երկու կողմերն ընդգծել են «գլոբալ պարենային անվտանգության ապահովման և կարիքավոր երկրներին անհրաժեշտ աջակցություն ցուցաբերելու կարևորությունը, ինչպես նաև նշել են, որ տարածաշրջանային ճգնաժամերի քաղաքական և դիվանագիտական ​​լուծումն այլընտրանք չունի»: