Սյունիքում Արցախից բռնագաղթվածների ընդունելության աշխատանքներին մասնակցում են մեծ թվով կամավորներ

Սյունիքի մարզպետարանից մանրամասներ են հայտնում Արցախից բռնի տեղահանվածների ընդունելության վերաբերյալ․

«Սյունիքն արդեն հինգերորդ օրն է ընդունում է Լեռնային Ղարաբաղի բռնի տեղահանված բնակիչներին։

Մեկտեղվել են մարզային ու համայնքային իշխանությունների, պետական ու մասնավոր կառույցների, տեղական ու միջազգային մարդասիրական կազմակերպությունների, օրենսդիր եւ գործադիր իշխանությունների, անհատ քաղաքացիների ուժերը։

Գորիսի կոորդինացնող կենտրոնում ողջ օրը հերթափոխով աշխատում են նաև Սյունիքի մարզպետի աշխատակազմի անդամները։

Իսկ բազմաթիվ կամավորներին միացել են նաև գորիսեցի դպրոցականները, որոնք ամենայն նվիրումով կամավորություն են անում․․․»։