ԼՂ այցելած ՄԱԿ-ի առաքելությունը քաղաքացիական ենթակառուցվածքներին հասցված վնասներ «չի տեսել»

ՄԱԿ-ի թիմը՝ Ադրբեջանում մշտական համակարգող Վլադանկա Անդրեևայի գլխավորությամբ, երեկ այցելել է Ադրբեջանում գտնվող Ղարաբաղի շրջան։ Առաքելությունը նպատակ ուներ գնահատել իրավիճակը տեղում և բացահայտել ինչպես մնացած, այնպես էլ հեռացող մարդկանց մարդասիրական կարիքները: Այս մասին ասված է Արցախ այցելած ՄԱԿ–ի թիմի համատեղ հայտարարության մեջ։

Նշվում է, որ նրանք այցելել են Ստեփանակերտ․ «Քաղաքի այն հատվածներում, որտեղ թիմն այցելել է, քաղաքացիական հասարակական ենթակառուցվածքներին, ներառյալ հիվանդանոցներին, դպրոցներին և բնակարաններին, ինչպես նաև մշակութային և կրոնական կառույցներին հասցված վնասներ չի տեսել: Ոչ մի խանութ բաց չի եղել։ Առաքելությունը տեսավ, որ Ադրբեջանի Հանրապետության կառավարությունը պատրաստվում է քաղաքում առողջապահական ծառայությունների և որոշ հիմնական կոմունալ ծառայությունների վերսկսմանը»,– ասված է հայտարարության մեջ։

Նշվում է, թե թիմը համայնքների ներկայացուցիչներից լսել է, որ Ղարաբաղում մնում է 50-ից 1000 էթնիկ հայ:

«Առաքելությունը չի հանդիպել ոչ մի հաղորդագրության՝ թե՛ հարցված տեղի բնակչության, թե՛ մյուսների կողմից, վերջին հրադադարից հետո խաղաղ բնակիչների նկատմամբ բռնության մասին»,– նշված է հաղորդագրության մեջ:

Առաքելությունը վարել է Լաչինի ճանապարհով մինչև Ադրբեջանի հետ սահմանային անցակետը, մի ճանապարհ, որին վերջին օրերին անցել են ավելի քան 100,000 էթնիկ հայեր, և թիմը չի հանդիպել քաղաքացիական մեքենաների:

«2020 թվականին վերականգնված տարածքների մաս կազմող Աղդամով վարելիս առաքելությունը նկատել է ավերածություններ, ինչպես նաև վերականգնողական աշխատանքներ, որոնք ձեռնարկվում են Ադրբեջանի կառավարության կողմից»,– նշել են ՄԱԿ–ում։