ԼՂ-ի հայերը ինքնակամ չեն լքել իրենց տները, սա բռնի տեղահանում էր․ Ֆրանսիայի ԱԳ նախարար

Լեռնային Ղարաբաղի հայերը ինքնակամ չեն լքել իրենց տները, սա բռնի տեղահանում էր։ Այսօր ՀՀ արտգործնախարար Արարատ Միրզոյանի հետ հանդիպումից հետո կայացած ասուլիսի ժամանակ այս հայտարարությունն արել է Ֆրանսիայի ԱԳ նախարար Կատրին Կոլոննան։

«Ես պետք է ևս մեկ անգամ ընդգծեմ, որ տեղի ունեցածը միջազգային իրավունքի կոպտագույն խախտում է։ Անհրաժեշտություն եմ զգում ևս մեկ անգամ հայտարարելու այս մասին, քանի որ մենք լսում ենք հայտարարություններ, որոնցում ասվում է, որ մարդիկ ինքնակամ լքել են իրենց տները։ Դա այդպես չէ, այդ սուտը ոչ մեկին չի մոլորեցնի»,-ասել է Կոլոննան:

Ֆրանսիայի արտգործնախարարը շեշտել է, որ այս փաստին հստակ գնահատական տալը կարևոր է, ու հավելել է, որ այդ սուտը ոչ մեկին չի մոլորեցնի։