Ուր են և ինչու են լռում Հայաստանի խոշոր գործարարներն ու պաշտոնյաները. մաս 19. Իգնատի Առաքելյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական կարևորագույն պաշտոններ, հարստություն և բիզնես են դիզել՝ Հայաստանի և Արցախի անունը հոլովելով, իսկ այսօր, երբ Արցախում տեղի է ունենում անթաքույց ցեղասպանություն, լռում են և նախընտրում են մնալ ստվերում:

Հաջորդիվ կանդրադառնանք գյուղատնտեսության նախկին նախարար Իգնատի Առաքելյանին, ով 2015 թվականին «Գյուղատնտեսական նվաճումների համար» պարգեւատրվել  է ՀՀ գյուղատնտեսության նախարարի ոսկե մեդալով: 

Թեև Առաքելյանը երբեք աչքի չի ընկել սկանդալային կամ աղմկահարույց քաղաքական հայտարարություններով, սակայն մի բան ակնհայտ էր: Նա Արցախ կատարած իր այցելությունների ընթացքում մեծապես ձգտել է իր ռեֆորմները տեղայնացնել նաև Հայկական երկրորդ հանրապետությունում: Արցախում գյուղատնտեսական խնդիրների լուծման հանդեպ ՀՀ գյուղատնտեսության նախարարը մշտապես ուշադիր է եղել և կարելի է ասել՝  նաև որոշակի ներդրում ունի Արցախում այս ոլորտի կայացման գործում:

Սակայն, այսօր, երբ Արցախը փաստացի կանգնած է որպես պետական միավոր վերանալու սպառնալիքի առջև, երբեմնի բարձրաստիճան պաշտոնյաների շարքում շարունակում է լռություն պահպանել նաև Իգնատի Առաքելյանը: Վերջինս կարող էր արցախցիներին օգնել ոչ միայն խոսքով՝ բարոյապես աջակցելով, կամ առնվազն որպես նախկին պաշտոնյա քաղաքական գնահատականներ հնչեցնելով, այլ գործնականում: Գաղտնիք չէ, որ Առաքելյանը նաև հաջողակ բիզնեսմեն է․ նրա ընտանիքի անդամները խաղողի բիզնեսով էին զբաղվում: Բացի այդ, իր կուտակած 48 մլն ՀՀ դրամ, 150 հազար ԱՄՆ դոլար և 48 հա­զար եվրոյով նա  ընդգրկվել էր ամենահարուստ նախարարների ցանկում: Սակայն, ինչպես տեսնում ենք, այսօր Առաքելյանը որևէ ցանկություն չունի՝ օգնելու հայրենազրկված արցախցիներին, այն արցախցիներին, որոնց հոգսերը թեթևացնելու համար ժամանակին նախկին նախարարը ռեֆորմներ էր տեղայնացնում...