Շառլ Միշելը և գործընկերները պետք է մտածեին Լեռնային Ղարաբաղի հայերի մասին․ Պուտին
Արցախ
ԵՄ առաջնորդները պետք է մտածեին Լեռնային Ղարաբաղի ժողովրդի ճակատագրի մասին, երբ փորձում էին համոզել Հայաստանի վարչապետին ճանաչել Ղարաբաղը որպես Ադրբեջանի մաս։ Այս մասին Վալդայ քննարկման ակումբի հանդիպման ժամանակ ասել է ՌԴ նախագահ Վլադիմիր Պուտինը։
«Պարոն Միշելը և նրա գործընկերները պետք է այն ժամանակ մտածեին, երբ պարոն Փաշինյանին համոզում էին... Ըստ երևույթին, չգիտեմ, պետք է իրենց հարցնեք... Ինչ-որ տեղ կուլիսներում համոզում էին Հայաստանի վարչապետին նման քայլի գնալ, պետք է մտածեին Ղարաբաղի հայերի ճակատագրի մասին, պետք է նախատեսեին, թե ինչ և ինչպես սպասել նրանց այս իրավիճակում»,- նշեց նա։
Նա կարծում է, որ անհրաժեշտ էր նախատեսել ինտեգրացիոն կարգ, ընթացակարգ՝ կապված նրանց անվտանգության ապահովման և իրավունքների հարգման հետ։ Բայց Պրահայի հռչակագրում սրան մասին ոչինչ չկա, կա միայն հայտարարություն, որ Ղարաբաղը Ադրբեջանի մաս է։
Նախագահը նաև հավելել է, որ Լեռնային Ղարաբաղում վերջին իրադարձությունները, ինչպես Լաչինի միջանցքի փակումը, անխուսափելի էին այն բանից հետո, երբ Հայաստանը ճանաչեց Ղարաբաղը որպես Ադրբեջանի մաս։ Նա նշել է, որ միայն ժամանակի հարց էր, թե երբ և ինչ ձևով Ադրբեջանը «այնտեղ սահմանադրական կարգ կհաստատի»։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
