Իսրայելական բանակը կորցրել է վերահսկողությունը իր ռազմաբազաներից մեկի նկատմամբ
Համաշխարհային Մամուլ
Իսրայելական բանակը կորցրել է վերահսկողությունը Գազայի հետ սահմանին գտնվող իր բազաներից մեկի վրա՝ Էրեզ անցակետում։ Այս մասին հայտնում է Al Jazeera-ն։
Ինչպես նշել են լրագրողները, զինյալներն իրականացրել են Իսրայելի վրա վերջին տարիների ամենամեծ հարձակումը։ Նրանք ներթափանցել են երկրի հարավային շրջաններ՝ հրթիռներ արձակելով Գազայի հատվածից։
«Առնվազն մեկ կին է զոհվել, ևս 15-ը վիրավորվել են», - հայտնում են իսրայելցի բուժաշխատողները։
Գազայի հատվածից Իսրայել ներխուժած գրոհայինների մի քանի խմբեր վերադարձել են անկլավ ռազմական ջիպերով, որոնք ենթադրաբար առգրավել են իսրայելցի զինվորականներից։ Այժմ Իսրայելի պաշտպանության ուժերը հարվածներ են հասցնում Գազայի հատվածին, իսկ անկլավի շուրջ ճանապարհները արգելափակված են։
«Պաղեստինյան «Համաս» զինված խմբավորումը սկսել է «Ալ-Աքսա ջրհեղեղ» օպերացիան Իսրայելի դեմ, որը տասնամյակների ընթացքում ամենամեծ նման հարձակումն է», - հաղորդում է հեռուստաալիքը:
Իսրայելի ընդդիմության առաջնորդ Յաիր Լապիդի գրասենյակը հայտնել է, որ «Իսրայելում արտակարգ իրավիճակ է հայտարարվել»։
Ավելի վաղ Իսրայելական բանակը հայտարարել է «պատերազմի պատրաստության վիճակ»։
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
