Ադրբեջանում Պաղեստինի դեսպանատունը կիսվում է Հայոց ցեղասպանությունը ժխտող հրապարակումներով

Ադրբեջանում Պաղեստինի դեսպանության ֆեյսբուքյան էջում մի քանի օր է՝ հայերի նկատմամբ թշնամանք պարունակող և Հայոց ցեղասպանության փաստը ժխտող հրապարակումներ են կատարվում։

Այսպես, Պաղեստինի դեսպանատունը հրապարակել է Իսրայելի Պետահ Տիկվա քաղաքում Հայոց ցեղասպանությանը նվիրված հուշարձանի լուսանկարները և նշել՝ «Սա, այսպես կոչված, «Հայոց ցեղասպանության» հուշարձանն է Իսրայելի Պետահ Տիկվա քաղաքում»։

Դեսպանությունը նաև հրապարակել է ՀՀ և Իսրայելի դրոշներով երիտասարդների մասնակցությամբ կադրեր ու գրել․ «Այս նկարները կեղծ չեն և ֆոտոշոփված չեն։ Առանց մեկնաբանության»։