ԱՄՆ-ն սկսել է աշխատել ԱՊՀ երկրներում իրավիճակը խարխլելու ուղղությամբ. ՌԴ ԱԴԾ

Միացյալ Նահանգները և նրա դաշնակիցները լայնածավալ ջանքեր են գործադրել ԱՊՀ երկրներում իրավիճակը խարխլելու և գոյություն ունեցող ինտեգրացիոն ձևաչափերը՝ ԱՊՀ, ԵԱՏՄ, ՀԱՊԿ և ՇՀԿ ոչնչացնելու համար։ Այս մասին հայտարարել է Ռուսաստանի ԱԴԾ տնօրեն Ալեքսանդր Բորտնիկովը ԱՊՀ անդամ երկրների անվտանգության գործակալությունների և հատուկ ծառայությունների ղեկավարների խորհրդի նիստում, որը բացվել է Բաքվում` նրա նախագահությամբ, գրում է ՏԱՍՍ-ը։

«Մեր նախորդ հանդիպումից ի վեր միջազգային իրավիճակը զգալիորեն բարդացել է, ինչը հանգեցրել է հիմնական մարտահրավերների նկատելի սրմանը և ԱՊՀ տարածքում նոր սպառնալիքների ձևավորմանը։ ԱՄՆ-ն և նրա դաշնակիցները սկսել են Համագործակցության երկրներում իրավիճակը խարխլելու և պետությունների վրա պատժամիջոցային ճնշում գործադրելու լայնածավալ աշխատանք՝ արգելափակելով լոգիստիկ ուղիները և ստեղծելով նոր տրանսպորտային միջանցքներ՝ դրանով իսկ մեծացնելով համաշխարհային տնտեսական ճգնաժամի բացասական հետևանքները»,-ասել է նա:

Նրա խոսքով, հավաքական Արևմուտքը, անտեսելով միջազգային իրավունքի հաստատված նորմերը, փնտրում է այլախոհների շանտաժի և ահաբեկման ամենաարդյունավետ ձևերը՝ սեպ խրելով ԱՊՀ երկրների և նրանց հարևանների միջև առկա բարեկամական հարաբերություններում»։