Եթե պատերազմի ժամանակ ընտրություններ լինեն, ես կառաջադրվեմ. Զելենսկի
Համաշխարհային Մամուլ
Ուկրաինայի նախագահ Վոլոդիմիր Զելենսկին հայտարարել է, որ կառաջադրվի նախագահական ընտրություններում, եթե պատերազմի ժամանակ ընտրություններ անցկացվեն։
«2024 թվականին եթե պատերազմը շարունակվի, եթե ընտրություններ լինեն, ես կյանքիս մեջ երբեք չեմ լքի իմ երկիրը, որովհետև ես Սահմանադրության երաշխավորն եմ և կպաշտպանեմ այն ամեն դեպքում»,- ասել է Ուկրաինայի նախագահը պորտուգալական RTP հեռուստաալիքին տված հարցազրույցում։
Ուկրաինայի ղեկավարը նշել է պատերազմի ժամանակ հնարավոր ընտրությունների կազմակերպման պայմանները, որոնց ընթացքում առաջնահերթ նշանակություն ունի անվտանգության ապահովումը։ Նա հավելել է, որ ընտրությունները պետք է ամբողջությամբ անցկացվեն ուկրաինական տարածքում, որպեսզի զինվորականները և արտերկրի ուկրաինացիները կարողանան քվեարկել։ «Մենք չենք կարող խլել նրանց ընտրելու իրավունքը։ Ցանկանում եմ, որ ամեն ինչ լինի օրինական ու թափանցիկ, ինչպես նախորդ ընտրություններում»,- ասել է Զելենսկին։
Ուկրաինայի նախագահը չի բացառում ընտրատեղամասերի վրա ռուսական հարձակման վտանգը, իսկ այն հարցին, թե արդյո՞ք չի վախենում պարտվելուց, Զելենսկին պատասխանել է. «Ես ոչնչից չեմ վախենում»։
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
