Ադրբեջանը հետաքրքրված է Թուրքիայի հետ գազային հանգույցի նախագծով․ Պուտին
Ռուսաստան
Թուրքիայում գազային հանգույցի նախագիծն առաջին փուլում ենթադրում է դեպի Եվրոպա գազի առևտրի էլեկտրոնային հարթակի ստեղծում։ Եվրոպայում բոլորը, ովքեր ցանկանում են ձեռք բերել ռուսական ռեսուրսներ, հետաքրքրված են այս նախագծով։
Այս մասին հայտարարել է ՌԴ նախագահ Վլադիմիր Պուտինը ռուսական էներգետիկ շաբաթվա լիագումար նիստում։
«Մենք ունենք երկու երթուղի` «Թուրքական հոսք» և «Կապույտ հոսք», դրանք գործում են արդյունավետ և ամբողջությամբ լցված են: Սկզբունքորեն մենք գաղափարներ ունենք այդ հնարավորություններն ընդլայնելու համար։ Բայց, կրկնում եմ, առաջին փուլը էլեկտրոնային առևտրի հարթակի ստեղծումն է»,- ասել է նա։
Պուտինը հավելել է, որ Ռուսաստանի Դաշնությունը մեծ խնդիրներ չի տեսնում հարթակի ստեղծման հարցում, քանի որ և՛ Թուրքիան, և՛ Ռուսաստանը հետաքրքրված են այս նախագծով։ Բացի այդ, Ադրբեջանը նույնպես հետաքրքրություն է ցուցաբերում գազային հանգույցի նկատմամբ։ «Թուրքիան հետաքրքրված է, մենք նույնպես, խոսել ենք Ադրբեջանի հետ, նա նույնպես հետաքրքրություն է ցուցաբերում։ Դրանից հետո, աշխատանքը հունի մեջ ընկնելուն համընթաց, հուսով ենք, որ այլ շահագրգիռ երկրներ նույնպես կներգրավվեն»,- եզրափակել է ՌԴ նախագահը։
Ամենադիտված 
Մնաս բարյավ. Րաֆֆի Հովհաննիսյան
